ދިވެހި ބަހާއި ތާރީހަށް ދިގު މުއްދަތެއްގައި ހިދުމަތް ކުރެއްވި ސޯދުބެ ކޯވިޑް 19 އަށް ޕޮސިޓިވް ވެއްޖެއެވެ.
ސޯދުބެ ކޮވިޑް 19 ޕޮސިޓިވް ވުމާއި ގުޅިގެން މިހާރު ގެންދަވަނީ ދަރުމަވަންތަ ހޮސްޕިޓަލުގައި ފަރުވާ ހޯއްދަވަމުންނެވެ.
ސޯދުބޭގެ ހާލު މިވަތު ރަގަޅު ނަމަވެސް ސޯދުބެއަކީ އުމުރުން 65 އަހަރުން މަތީގެ ބޭފުޅެކެވެ. އެހެންކަމުން ސޯދުބެ ވެގެން ގޮސްފައިވާނީ ކޮވިޑްގެ ހިރާސް ބޮޑު މީހަކަށެވެ.
ސޯދުބެއަކީ ސަރުކާރަށް ގިނަ ދުވަހު ޚިދުމަތް ކުރެއްވުމުގެ އިތުރުން ދިވެހި އަދަބިއްޔާތަށާއި، ތައުލީމީ ދާއިރާއަށް އަގުނުކުރެވޭފަދަ ވަރަށް ގިނަ ގުނަ ހިދުމަތްތަކެއް ކޮށްދެއްވާފައިވާ ބޭފުޅެކެވެ.
ސޯދުބޭގެ މަސައްކަތުގެ އަގު ވަޒަން ކުރުމުގެ ގޮތުން ސަރުކާރުން ވަނީ 2019 ވަނަ އަހަރު ނިޝާން އިއްޒުއްދީން އިއްޒަތުގެ ވެރިޔާގެ ލަގަބް ސޯދުބެއަށް އަރުވާފައެވެ.