ޝުކުރީގެ ކައުންސިލްގެ ދައުރުގައި ހުޅުދޫ ރަށްޔިތުންގެ ފަރާތުން ލިބުނު އެއްބާރުލުން ފާހަގަކޮށް ހުޅުދޫ ރަށްޔިތުންނަށް ޝުކުރީ ޝުކުރު އަދާކުރައްވައިފިއެވެ.
ޝުކުރީގެ ފޭސްބުކް ޕޭޖްގައި ޝުކުރީ ވިދާޅުވެފައިވަނީ ހުޅުދޫ ކައުންސިލަރުގެ މަގާމާއި ހަވާލްވުމަށްފަހު ވެފައިވާ ވައުދުތަކުގެ ތެރެއިން އެއްވައުދަކީ ދައުރުފުރިހަމަވަންދެން މަގާމުގައި ދެމިހުންނާނެކަމުގެ ވައުދުކަމުގައެވެ. އަދި އަނެއްވައުދަކީ އެމްޑީޕީގެ މެމްބަރުންނަށް ވެފައިވާ ވައުދެއްކަމަށާ އެވައުދަކީ ދައުރުފުރިހަމަވަންދެން ޕާޓީ ބަދަލުނުކޮށް ހުންނާނެކަމުގެ ވައުދުކަމަށެވެ.
” ﷲ ގެ ހެޔޮ ރަހުމަތްފުޅުން ދައުރު މިއަދު ނިމިގެންދިޔައިރު މިބުނި ވައުދުތައް ވާނީ ފުރިހަމަކޮށްފައި ، އަދި މަގޭ ކައުންސިލަރުކަމުގެ ދައުރުގައި ހުޅުދޫ ރަށްޔިތުންގެ ފަރާތުން ލިބުނު އެއްބާރުލުން ފާހަގަކޮށް ހުޅުދޫ ރަށްޔިތުންނަށް ޝުކުރު އަދާކުރަން ”
ޝުކުރީގެ ފޭސްބުކް ޕޭޖްގައި ޝުކުރީ ވިދާޅުވެފައިވެއެވެ.
ޝުކުރީގެ ކައުންސިލަރުކަމުގެ ދައުރުގައި ފާހަގަ ވެފައިވަނީ އައްޑޫސިޓީ ކައުންސިލްގެ މެޖޯރިޓީ އޮންނަ ގުޅިފައިވާ ރަށްތަކުގެ މެމްބަރުން ކައުންސިލްގެ ތެރެއިން ހުޅުދޫއާއި މީދޫއަށް ކަންތައްތައް ކޮށްދިނުމުގައި ތަފާތުކުރުންތަކެއް ގެންގުޅޭކަމަށް ވިދާޅުވެ ކައުންސިލްގެތެރޭގައި ހުޅުދޫއާއި މީދުއަށް ކަންތައްތަކެއް ކޮށްދެވޭތޯ ވަރަށްބޮޑަށް ވަކާލާތު ކުރެއްވިބޭފުޅެއްގެ ގޮތުގައެވެ.