ޓްރާސްޕޯޓް މިނިސްޓްރީން މިހާރުވެސް އެތައް ވައްކަމެއް ކުރަމުންދާކަމަށާއި، އެކަން މިނިސްޓަރ ނަހުލާއަކަށް ނުހުއްޓުވުނު ކަމުގައި ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
ނިހާދު މިހެން ވިދާޅުވެފައިވަނީ ނިހާދު ކުރައްވާފައިވާ ޓުވިޓެއްގައެވެ.
ނިހާދު މިހެން ވިދާޅުވުމުގެ ކުރީންވެސް ޓްރާސްޕޯޓް މިނިސްޓްރީ ތަފާތު އެކި ވައްކަންތައް ހިންގަމުންދާކަމަށް ބުނެ ގިނަ ބަޔަކު ވާހަކަ ދައްކަމުން ގޮސްފައިވެއެވެ . ޚާއްސަކޮށް މަޖިލީހުގައި ހިމެނޭ އެމްޑީޕީ މެމްބަރުން އެވާހަތައް ތަކުރާރުކޮށް މަޖިލީހުގައި ދައްކަމުންގޮސްފައިވާކަން ފާހަގަކޮށްލަންޖެހެއެވެ.
ޓްރާސްޕޯޓް މިނިސްޓްރީއަށް ކުރެވޭ ތުހުމަތު ތަކުގެ ތެރޭގައި ވަގަށް ވެހިކަލް ރަޖިއްޓްރީ ކޮށްދިނުމާއި، ގަރާޖު ޕާކިން މައްސަލައާއި، ލައިސަންސް މައްސަލަތަކާއި މިނޫންވެސް ގިނަ މައްސަލަތަކެއް ފެންމެތިވެ މިހާރުވެސް ބައެއް މައްސަލަތައް އޭސީސީއާއި ކަމާއި ގުޅުންހުރި އިދާރާތަކުން ގެންދަނީ ތަހުގީގު ކުރަމުންނެވެ.
ޓްރާންސްޕޯޓް މިނިސްޓަރ އައިޝަތު ނަހުލާ ސިޔާސީ މައިދާނުން ފެނިވަޑައިގަތީ 2018 އޮތް ރިޔާސީ އިންތިޚާބުގެ ކެމްޕެއިން ހަރަކާތްތަކުގެ ތެރެއިންނެވެ. އެމްޑީޕީއާއެކު ކޯލިޝަންގެ ބައިވެރިއެއްގެ ގޮތުން ޖޭޕީގެ ކެމްޕެއިންނަށް އެކަމަނާ ރަށްރަށަށް ވަޑައިގަތެވެ. އަދި ޖުމްހޫރީ ޕާޓިގެ ކޮންގްރެސްގައި އެޕާޓިގެ ކައުންސިލަށް ކުރިމަތިލައްވާ އިންތިޚާބުވެވަޑައިގަތެވެ