މީދޫ 20 އަހަރުން ދަށުގެ ޓީމަކާއި ހިތަދޫ 20 އަހަރުން ދަށުގެ ޓީމަކާއި ދެމެދު އެކުވެރިކަމުގެ ފުޓްބޯޅަ މެޗެއް މިއަދު މީދޫގައި ކުޅޭ ގޮތަށް ހަމަޖެހިއްޖެއެވެ.
މިއީ މިމަހުގެ 15 ވަނަ ދުވަހު ފެށުމަށްހަމަޖެހިފައިވާ ” އައްޑޫ ޔޫތު ޗެލެންޖް ކަޕް ” ގައި ބައިވެރިވެފައިވާ މީދޫ ޓީމާއި މިމުބާރާތުގައި ހިތަދޫން ވާދަކުރާ ދެޓީމުގެ ތެރެއިން 1 ޓީމްގެ މެދުގައި ކުޅެވޭ އެކުވެރިކަމުގެ މެޗެކެވެ.
މިމެޗް ބޭއްވުމުގެ ބޭނުމަކީ ދެ ރަށުގެ ޒުވާނުންގެ މެދުގައި އެކުވެރިކަން އާލާކޮށް ގުޅުން ބަދަހިކުރުންކަމަށް މެޗް އިންތިޒާމް ކުރާފަރާތުން މައުލޫމާތު ދީފައިވެއެވެ.
މިއަދު ހަވީރު 4:00 ގައި މީދޫ ފުޓްބޯޅަ ދަނޑުގައި ކުޅެންހަމަޖެހިފައިވާ މި މެޗް ބައްލަވާލެއްވުމަށް ވީހާވެސް ގިނަފަރާތްތަކުން ދަނޑަށް ހާޒިރުވެ ދެއްވުމަށް މިމެޗް އިންތިޒާމް ކުރައްވާ ފަރާތުން އެދެއެވެ.