ކޮވިޑް-19އަށް ޕޮޒިޓިވްވެގެން ހުޅުމާލެ މެޑިކަލް ފެސިލިޓީގެ އައިސީޔޫގައި ފަރުވާދެމުންދިޔަ މީހަކު ނިޔާވެއްޖެއެވެ. މިރޭ އިރުއޮއްސި 6:24ގައި ނިޔާވީ ޢުމުރުން 60 އަހަރުގެ ދިވެހި ފިރިހެނެކެވެ.
މިއީ ރާއްޖެއިން މިބަލީގައި ނިޔާވި 30ވަނަ މީހާއެވެ.
އެންމެފަހުން މިބަލީގައި ރާއްޖެއިން މީހަކު ނިޔާވީ މިމަހުގެ އެއްވަނަ ދުވަހުގައެވެ. މިބަލީގައި މިހާތަނަށް ނިޔާވެފައި ވަނީ 23 ދިވެއްސަކާއި 7 ބިދޭސީންނެވެެ.
ރާއްޖެއިން ކޯވިޑް-19 ފެނުނުފަހުން މިވީ 6 މަސް ދުވަހުގެ ތެރޭގައި 8,741 މީހުން މިބައްޔަށް ޕޮޒިޓިވްވެފައިވާއިރު މީގެ ތެރެއިން މިވަގުތު 139 މީހުންނަށް ހޮސްޕިޓަލްގައި ދަނީ ފަރުވާ ދެމުންނެވެ. މިބަލި ރާއްޖެއިން ޖެހުނު މީހުންގެ ތެރެއިން 6,157 މީހުނަށްވަނީ ޝިފާ ލިބިފައެވެ.