ގައުމު ސްޓްރީޓް ކަޕްގައި މިއަދު ހަވީރު ކުޅުނު ގްރޫޕް ޑީގެ މެޗް މަރަދޫ ޔުނައިޓެޑް ކާމިޔާބުކޮށްފިއެވެ.
މަރަދޫ ޔުނައިޓެޑް މިމިޗެ ކާމިޔާބުކުރީ ފޭދޫ ކްރައުސްއާއި ބައްދަލުކޮށް 2 ލަނޑު 1 ލަނޑުންނެވެ. މިމެޗްގަައި މަރަދޫ ޔުނައިޓެޑުން ކާމިޔާބުކޮށްފައިވާ ދެގޯލްވެސް އެޓީމަށް ކާމިޔާބުކޮށްދީފައިވަނީ އަހުމަދު ޠޮލާލުއެވެ. ކްރައުސުން މިމެޗުގައި ކާމިޔާބުކޮށްފައިވާ ލަނޑު ކާމިޔާބުކޮށްދިނީ އިސްމާއީލް ވާފިރުއެވެ.
މިމެޗުން ދެރަވި ކްރައުސް މިމުބާރާތުގައި ކުޅުނު ފުރަތަމަމެޗްގައި ފޭދޫ ހަބޭސްއާއި ބައްދަލުކޮށް 1 ލަނޑު 1 ލަނޑުން ވަނީ އެއްވަރުވެފައެވެ.މިމެޗުން މޮޅުވި މަރަދޫ ޔުނައިޓެޑް ކުޅުނު މިމެޗަކީ އެޓީމް މިމުބާރާތުގައި ކުޅުނު ފުރަތަމަ މެޗެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ މަރަދޫ ޔުނައިޓެޑްގެ އަހުމަދު ޠޮލާލްއެވެ.