ރޭފަތިހު ހުޅުދޫ ” ލަވިސްޓާ” ކެފޭ ގައި އަލިފާން ރޯވެ އަނދައިފި އެވެ.
މައުލޫމާތު ލިބިފައިވާ ގޮތުގައި ރޭ އަލިފާން ރޯވެ އަދާފައިވަނީ ހުޅުދޫ ކަނބަލުންގެ ޕާކާއިންވެގެން އުތުރުފަރާތުގައިހުރި “ލަވިސްޓާ” ނަމަކަށްކިޔާ ކެފޭގައި ކަމަށާއި އެ ހާދިސާ ހިނގާފައިވަނީ ރޭ ފަތިހު 4 ޖަހާކަށް ހާއިރު ކަމަށެވެ.
މި ހާދިސާގައި އެތަނުގައި ހުރި ތަކެއްޗާއި އެތަން ވަނީ ބޭނުން ނުކުރެވޭވަރަށް އަނދާފައެވެ.
ލަވިސްޓާގައި އަލިފާން ރޯވެ އަދަމުންދާކަން ހުޅުމީދޫ ޕޮލިސްއަށް ބަޔަކު ރިޕޯޓްކުރުމާއި ގުޅިގެން ޕޮލިހުން އެތަނަށް ގޮސް އެތަނުގައި ރޯވެފައިވާ އަލިފާން ގަނޑު ނިއްވާލުމުގެ މަސައްކަތް ކޮށްފައިވެއެވެ. އެ މަސައްކަތުގައި އާއްމުންގެ ވަރަށްބޮޑު އެހީތެރިކަންވެސް ލިބިގެންގޮސްފައިވެއެވެ.
މައުލޫމާތު ލިބިފައިވާގޮތުގައި އެތަނުގައި އަލިފާން ރޯވި ސަބަބު ހުޅުމީދޫ ޕޮލިސްސްޓޭޝަނުން މިހާރުދަނީ ބަލަމުންނެވެ.