އަޟްހާއީދުގެ މުނާސަބާ ފާހަގަކުރުމުގެ ގޮތުން ހުޅުދޫޓީމަކާ ހުޅުމީދޫ ޕޮލިސްޓީމަކާ ދެމެދު ކުޅެވުނު އެކުވެރިކަމުގެ ފުޓްސަލްމެޗް ހުޅުމީދޫ ޕޮލިސްޓީމު ކާމިޔާބުކޮށްފިއެވެ.
ޕޮލިސް ދަނޑުގައި ރޭ ކުޅެވުނު މިމެޗްގެ ފުރިހަމަ ވަގުތު ހަމަވިއިރު ދެޓީމް 2 ލަނޑު 2 ލަނޑުން އެއްވަރު ވެފައިވުމުން މޮޅުވާޓީމެއް ކަނޑައެޅުމަށް ޕެނަލްޓީ ޖެހުނެވެ. މިގޮތުން ޕެނަލްޓީ ޖަހައިގެން ޕޮލިސް މިމެޗް ކާމިޔާބުކުރީ 5 ލަނޑު 3 ލަނޑުންނެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ހުޅުދޫޓީމްގެ ނިޗާރުއެވެ. މޮޅުކުޅުންތެރިއަކަށް ހޮވުނު ނިޗާރުއަށް މެޗް އިންތިޒާމް ކުރިފަރާތުން ހުށަހަޅާފައިވާ ޓްރޮފީ ހަވާލްކޮށްދެއްވީ ހުޅުދޫގެ ކުރީގެ މަޝްހޫރު ފުޓްބޯޅަ ކުޅުންތެރިޔާ އިސްމާއީލެވެ.
ރޭ ކުޅެވުނު މިމެޗްގައި ރަށްޔިތުންގެ މަޖިލިހުގެ ހުޅުދޫދާއިރާގެ ކުރީގެ މެމްބަރު ޝާހިދުވެސް ހުޅުދޫޓީމްގައި ހިމެނިގެން މެޗްގައި ކުޅެފައިވެއެވެ . އަދި މެޗްގައި ޝާހިދުގެ ފަރާތުން މޮޅު ކުޅުމެއް ފެނިގެންގޮސްފައިވެއެވެ.