ފުވައްމުލައް ސިޓީގައި ކޮވިޑް-19 އޮތްތޯ ބެލުމަށްޓަކައި ޓެސްޓް ކުރުމަށް ސާމްޕަލް ނެގުމުގެ މަސައްކަތް ފުވައްމުލަކު ހޮސްޕިޓަލްގެ ކޮވިޑް “ރެޕިޑް ރެސްޕޮންސް ޓީމު” (އާރު.އާރު.ޓީ) އިން ކުރިޔަށް ގެންދާނެ ކަމަށް ފުވައްމުލައް ސިޓީ ކައުންސިލުން ހާމަކޮށްފިއެވެއެވެ.
މިގޮތުން ފުވައްމުލައް ސިޓީއިން 100 މީހެއްގެ ސާމްޕަލް ނަގާގޮތަށް ހަމަޖެހިފައިވާކަމަށާ ފުވައްމުލައް ސާމްޕަލް ނެގުމަށް ހަމަޖެހިފައި ވަނީ އެކި އުމުރު މީހުން ހިމެނޭ ގޮތަށްކަމަށް ފުވައްމުލަށް ސިޓީކައުންސިލުން ވަނީ ހާމަކޮށްފައެވެ.
އެގޮތުން ސަމްޕަލް ނަގަނީ ރެންޑަމް ކޮށް ކަމަށް ސިޓީ ކައުންސިލުން ހާމަކުރައްވައެވެ. ރެންޑަމް އުސޫލުން ވެސް ސާމްޕަލް ނަގާ ތަފާތު ގޮތްތަކެއް ހުރެއެވެ. އެގޮތުން ކްލަސްޗާ ރެންޑޮޮމް ސާމްޕަލިން، ސްޓްރެޓިފައިޑް ރެންޑަމް ސާމްޕަލިންއާއި، ސިސްޓަމެޓިކް ސާމްޕަލިން އަދި ސިމްޕްލް ރޭންޑޮމް ސާމްޕަލިން ހިމެނެއެވެ. އާއްމުގޮތެއްގައި މިފަދަ ސާމްޕަލްތައް ނަގަނީ ކްލަސްޗާ ރެންޑޮމް ސާމްޕަލިން ނުވަތަ ސްޓްރެޓިފައިޑް ރެންޑަމް ސާމްޕަލިންގެ ތެރެއިން އެބޭނުމަކަށް ބޮޑަށް ގުޅޭ ގޮތަކަށެވެ.
ފުވައްމުލައް ސިޓީގެ އާބާދީ އަކީ 13056 ކަމުގައި ބަލާނަ ރެންޑަމް ސާމްޕަލިން އެއްގައި 100 ސާމްޕަލް އެއީ ސްޓެޓިސްޓިކްގެ ގޮތން ވަރަށް ކުޑަ އަދަދެކެވެ.
އެގޮތުން ސާމްޕަލް ނެގުމަށް ރަށުގެ އެކި ސަރަހައްދުތަކުގައި އާރު.އާރު.ޓީގެ މެމްބަރުން އިއްޔެއާއި މިއަދު ހަރަކާތްތެރިވާނެ ކަމަށް ސިޓީ ކައުންސިލުން ހާމަކުރައްވައެވެ. ސާމްޕަލް ނެގުމަށް ބައެއް ގޭގެއަށް ޒިޔާރަތް ކުރާނެކަމަށާއި އެގޮތުން ޒިޔާރާތްކުރާ ޓީމުތަކަށް ރަށުގައި ދިރިއުޅޭ އެންމެހައި ފަރާތްތަކުގެ އެއްބާރުލުން ދިނުމަށް ކޮވިޑް ފުވައްމުލަކު ޓާސްކްފޯސް ޓީމާއި ސިޓީ ކައުންސިލްގެ އިދާރާއިން އެދިފައި ވެއެވެ.