ތާޒާ ފެން ކުންފުނީގެ 6 މުވައްޒަފަކު ކޮވިޑަށް ޕޮޒިޓިވްވެއްޖެއެވެ.
ތާޒާ ފެން ވިއްކާ އައިލެންޑް ބެވްރޭޖްސް މޯލްޑިވެސް އިން މިއަދު ބުނެފައި ވަނީ، ލޭބަރުންގެ ގޮތުގައި އެތަނުގައި މަސައްކަތް ކުރަމުންދާ ހަ މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށެވެ.
އަދި ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އެންގުމާއި އެއްގޮތަށް އެ ކުންފުނީގެ އޮޕަރޭޝަންތައް މަޑު ޖައްސާލުމަށް ނިންމާފައިވާ ކަމަށް އެ ކުންފުނިން ވަނީ ބުނެފައެވެ.
އެ ކުންފުނިން ބުނީ އެޗްޕީއޭއާއެކު މަސަައްކަތްކޮށް އަވަހަށް އޮޕަރޭޝަންތައް ފެށުމަށް ތައްޔާރުވަމުން އަންނަ ކަމަށެވެ.
ރާއްޖެއިން މިހާތަނަށް 1186 މީހުން ކޮވިޑަށް ފައްސިވެފައިވާއިރު، ބަލި ޖެހުނު 91 މީހަކު މިހާރު ވަނީ ރަނގަޅުވެފައެވެ. އަދި ހަތަރު މީހަކު ވަނީ އެ ބަލީގައި ނިޔާވެފައެވެ