އިއްޔެ ރާއްޖެއިން އިތުރު 10 މީހުން ކޮވިޑް އަށް ޕޮޒިޓިވް ވެފައިވާކަން އެޗްޕީއޭ އިން ހާމަކޮށްފިއެވެ. އިއްޔެ ޕޮޒިޓިވްވެފައިވަނީ 5 ދިވެހިންނާއި 5 ބިދޭސީންނެވެ.
އެއާއެކު ފާއިތުވި 24 ގަޑިއިރު ތެރޭގައި ޕޮޒިޓިވްވި މީހުންގެ އަދަދު ވަނީ 24 އަށް އަރާފައެވެ. އަދި ރާއްޖެއިން ވައިރަހަށް ޕޮޒިޓިވްވި މީހުންގެ ޖުމްލަ އަދަދު ވަނީ 551 އަށް އަރާފައެވެ.
އިއްޔެ ފުރަތަމަ ވައިރަހަށް ޕޮޒިޓިވް ވެފައިވާ 14 މީހުނަކީ ކޮންޓެކްޓް ޓްރޭސިންގެ ތެރެއިން ފާހަގަ ކުރެވުނު ބައެކެވެ. އަނެއް މީހަކީ އާ ކްލަސްޓާއެއް ކަމަށް އެޗްޕީއޭއިން ބުނެފައިވެއެވެ.
މިހާތަނަށް ރާއްޖެއިން ކޮވިޑަށް ޕޮޒިޓިވްވި 551 މީހުންގެ ތެރެއިން 191 މީހުންނަކީ ދިވެހިންނެވެ. އަދި 359 މީހުންނަކީ ބިދޭސީންނެވެ. މި މީހުންގެ ތެރޭގައި އިންޑިއާ، ލަންކާ، ބަންގްލަދޭޝް، ނޭޕާލް އަދި ޕާކިސްތާނު މީހުން ހިމެނެއެވެ. އެންމެ ގިނައީ ބަންގްލަދޭޝްގެ މީހުންނެވެ.
މިހާތަނަށް ރާއްޖޭގައި ކޮވިޑް19 ޖެހުނު އެކަކު ނިޔާވެފައިވާއިރު 18 މީހަކަށް ވަނީ ޝިފާ ލިބި ކޮވިޑަށް ޕޮޒިޓިވްވި ބަންގްލަދޭޝްގެ މީހެއްގެ ހާލު ސީރިއަސްވެ އައިޖީއެމްއެޗުގެ އައިސީޔޫގައި ފަރުވާދެމުންދާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފައިވެއެވެ.