ށ. ނަރުދޫން އިތުރު މީހަކު ކޮވިޑް-19 އަށް ޕޮޒިޓިވް ވެއްޖެ އެވެ.
“ސީއެންއެމް” ރިޕޯޓްކޮށްފައިވާގޮތުގައި މިފަހަރު ނަރުދޫއިން ޕޮޒިޓިވްވެފައިވަނީ އަންހެނެކެވެ. އަދި ސީއެންއެމް އިން ގެނެސްދީފައިވާ ޚަބަރުގައި ބުނެފައިވަނީ އެއަންހެން މީހާއަކީ ކޮވިޑަށް ޕޮޒިޓިވްވި “އަމާޒު” ބޯޓުގެ ފަޅުވެރިއެއްގެ ދަރިއެކެވެ.
ސީއެންއެމް ގެނެސްދީފައިވާ މިޚަބަރުގައި އިތުރަށް ބުނެފައިވަނީ ނަރުދޫއިން މިއަދު އިތުރު ދެ މީހަކު ވެސް ޕޮޒިޓިވްވެފައިވާކަމަށެވެ. އަދި އެމީހުން ވަނީ ހދ. އަތޮޅުގައި ހަދާފައިވާ ކަރަންޓީން ފެސިލިޓީ، ދޮނަކުޅިއަށް ބަދަލުކޮށްފައިކަމަށްވެސް ސީއެންއެމް ގެނެސްދީފައިވާ ޚަބަރުގައި ބުނެފައިވެއެވެ.
ކޮވިޑް-19 އަށް ނަރުދޫން ޕޮޒިޓިވްވި މީހުންގެ އަދަދު މިވަނީ 11 އަށް އަރާފައެވެ.
އަމާޒު ބޯޓުން ދަތުރުކުރި ށ. މިލަންދޫ މީހަކު ވެސް ވަނީ އެބައްޔަށް ޕޮޒިޓިވްވެފައިވެ އެވެ.