މާލެ ފުވައްމުލަކަށް މުދާ ހިފައިގެންދިޔަ ( ނާލު ބޯޓް) އުޖާލާ ބޯޓުގެ ފަޅުވެރިންނާއި ދަތުރުވެރިން ކޮވިޑް 19 އާއި ގުޅިގެން ރައްކާތެރިކަމުގެ ފިޔަވަޅު އެޅުމަށް ފުވައްމުލަށް ސިޓީ ކައުންސިލުން ހަމަޖައްސާފައިވާ ގައިވާއިދުގެ މަތީން އެކަހެރި ކޮށްފިއެވެ.
ބޯޓުގެ ފަޅުވެރިން އެކަހެރި ކޮށްފައިވަނީ ބޯޓުގައެވެ. އަދި އެބޯޓުން ދަތުރު ކުރި 6 ދަތުރުވެރިން އެކަހެރި ކޮށްފައިވަނީ ފުވައްމުލަކު ވޭލި ރެސިޑެންސްގައެވެ. މި ހުރިހާ ފަރާތްތަކެއްވެސް އެކަހެރި ކުރުމަށް ހަމަޖެހިފައިވަނީ 14 ދުވަހުގެ މުއްދަތަކަށެވެ.
މި ހުރިހާ ފަރާތްތަކެއްގެ ޚަރަދު ބަލަހައްޓަނީ ފުވައްމުލަށް ސިޓީކައުންސިލުން ކަމުގައި މަޢުލޫމާތު ލިބެއެވެ. އަދި ވޭލި ރެސިޑެންސަކީ ފުވައްމުލަކު އުތުރު ދާއިރާގެ އިއްޒައްތެރި މެންބަރުގެ ހެޔޮއެދުންތަކާއި އެކު ކަރަންޓީން ކުރައްވާ ފަރާތްތައް ބެހެއްޓުމަށް ހިލޭ ދޫކުރެވިފައިވާ ތަނެކެވެ