ތާރު އަޅާފައިވާ ބަހާއުއްދީން މަގުން ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލް ނުކުރެވިގެންގޮސް މަގުބަންދުކުރަން އެމްޓީސީސީން ބަހައްޓާފައިހުރި ދަގަޑުތަކުގައިޖެހި އެކްސިޑެންޓް ވެއްޖެ އެވެ.
މައުލޫމާތު ލިބިފައިވާ ގޮތުގައި ރޭ ދަންވަރު ތިނެއްޖަހާކަން ހާއިރު މީދޫ ބަހާއުއްދީންމަގުގެ ނޫކޮކާގޭ ކުރިމަތިންކަހަލަ ގޮތަކަށް ހިނގި މި އެކްސިޑެންޓުގައި ސައިކަލް ދުއްވަން އިން ހުޅުދޫ ޒުވާން ފިރިހެން ކުއްޖާއަށް ސީރިއަސް އަނިޔާތެކެއް ވަނީ ލިބިފައެވެ.
މިއެކްސިޑެންޓްގައި އަނިޔާ ލިބުނު ޒުވާނާ ސިއްހީމަރުކަޒަށް ގެންގޮސް ފަރުވާދިނުމަށްފަހު އިތުރު ފަރުވާ ދިނުމަށްޓަކައި ރޭ ފަތިހުވަނީ އައްޑޫ އިކުއިޓޯރިއަލް ހޮސްޕިޓަލަށް ފޮނުވާލެވިފައެވެ.
މައުލޫމާތު ލިބިފައިވާގޮތުގައި މިއެކްސިޑެންޓްގައި ސީރިއަސް އަނިޔާތެކެއް ލިބުނު ޒުވާނާއަށް މިހާރު ފަރުވާ ދެމުންދަނީ އައްޑޫ އިކުއިޓޯރިއަލް ހޮސްޕިޓަލުގެ އައިސީޔޫގައެވެ.
މީގެ ކުރީންވެސް ތާރުއެޅި މިމަގުން ހުޅުދޫ މަސްޖިދުލް ވަހުދާ ކުރިމަތީގައި މަގު ބަންދުކުރަން ބަހައްޓާފައިހުރި ދަގަޑު ތަކެއްގައި ބާރު ސްޕީޑެއްގައި ދުއްވާފައިދިޔަ ސައިކަލެއްޖެހި އެކްސިޑެންޓްވެފައިވެއެވެ. އެ އެކްސިޑެންޓަގައި ސައިކަލް ދުއްވާފައިވަނީ މީދޫގެ ދެޒުވާނެކެވެ.
މިމައްސަލަ ފުލުހުން މިހާރު ދަނީ ތަހްގީގު ކުރަމުން ނެވެ.
( ތަފްސީލް އަންނަނީ )
ކޮމެންޓްސް (0)