ދުނިޔޭގައި ހަލުއިކަމާއެކު ފެތުރެމުން އަންނަ ކޮވިޑް19 އަށް ފަރުވާ ހޯދަމުން ދަނިކޮށް މާސޭގެ ކުރީގެ ރައީސް ޕަފޭ ޑިއުފް މަރުވެއްޖެވެ. 68 އަހަރުގެ ޑިއުފްގެ ހާލު ސީރިއަސްވެ ސެނެގޯލްގެ ހޮސްޕިޓަލެއްގައި އެޑްމިޑްކުރީ ބުދަދުވަހުއެވެ.
ރިޕޯޓްތައް ބުނާގޮތުން ޑިއުފް މަރުވެފައިވަނީ އިތުރު ފަރުވާ ހޯދުމަށް އޭނާ ފްރާންސަށް ގެންދިއުމަށް އޭނާގެ އާއިލާއިން ތައްޔާރުވަމުން ދަނިކޮށެވެ.
ޑިއުފް މާސޭގެ ރައީސްކަމަށް ހޮވުނީ 2005 ވަނަ އަހަރުއެވެ. 4 އަހަރުވަންދެން ރައީސްގެ ގޮތުގައި ހުރިއިރު މާސޭއިންވަނީ ލީގުތައްޓަށްވެސް ވާދަކޮށްފައެވެ. ލީގުގެ ޗެމްޕިއަންކަން ނުލިބުނު ނަމަވެސް އެޓީމްވަނީ ލީގުގެ 2 ވަނަ ދެފަހަރެއްގެ މަތިން ހޯދާފައެވެ.
ރައިސްކަމަށް އައުމުގެ ކުރީން ޑިއުފަކީ ނޫސްވެރިއެކެވެ. އަދި ކުޅުންތެރީންގެ އެޖެންޓެއްގެ ގޮތުގައިވެސް އޭނާވަނީ މަސައްކަތްކޮށްފައެވެ.
މަސްދަރު: ޕީއެސްއެމް ސްޕޯޓްސް