ހުޅުމީދޫގައި ބާއްވާ އެމްޑީޕީ ރަށްވެހި ފަތިސް ކެމްޕެއިން ލޯންޗުކުރުމުގެ ޖަލްސާ މިރޭ 8:45 އަތޮޅުމަދަރުސާގައި ބޭއްވޭނެއެވެ.
ހުޅުމީދޫގައި ބާއްވާ އެމްޑީޕީ ރަށްވެހި ފަތިސް ކެމްޕެއިން ލޯންޗުކުރުމުގެ ޖަލްސާ މިރޭ 8:45 ބާއްވާއިރު ރާއްޖޭގެ މީހުން ދިރުއުޅޭ ހުރިހާ ރަށެއްގައި މިރޭ މިޖަލްސާ ހަމައެގަޑީގައި ބޭއްވުމަށް ވަނީ ހަމަޖެހިފައެވެ.
އެމްޑީޕީން ހަމަޖައްސަވާފައިވާގޮތުން މިރޭގެ ޖަލްސާގައި އެންމެ ފުރަތަމަ ކަމަކަށް ކެމްޕެއިން ލޯންޗިންގ ވީޑިއޯއެއް އެޅުވިގެންދާނެކަމަށާއި އެއަށްފަހު ރައީސުލްޖުމްހޫރިއްޔާގެ ވާހަކަފުޅު ހުރިހާ ރަށެއްގައި ވީޑިއޯގެ ޒަރީއާއިން ލައިވްކޮށް ފެނިގެންދާނެއެވެ. އަދި އެއަށްފަހު ކޮންމެ ރަށެއްގައިވެސް އަދި ކޮންމެ ސިޓީއެއްގައިވެސް އަދި އަތޮޅު ކައުންސިލަށް އެމްޑީޕީގެ ޓިކެޓްގައި ވާދަކުރައްވާ ކެންޑިޑޭޓުން އެ ރަށެއްގައި ނުވަތަ ސިޓީއެއްގައި ތިބެގެން ވާހަކަދައްކަވާނެއެވެ.
އެއަށް ފަހު ޕާޓީގެ ރައީސް މުހައްމަދު ނަޝީދުވެސް ވާހަކަފުޅު ދެއްކެވުމަށް ވަނީ ހަމަޖެހިފައެވެ. ރައީސް ނަޝީދުގެ ވާހަކަފުޅުވެސް ރާއްޖޭގެ ހުރިހާ ރަށެއްގައި އެއްވަގުތެއްގައި ވީޑިއޯގެ ޒަރީއާއިން ލައިވްކޮށް ފެންނާނެ އިންތިޒާމް އެމްޑީޕީންވަނީ ހަމަޖައްސަވާފައެވެ.
މިރޭ 8:45 ގައި ބޭއްވޭ އެމްޑީޕީ ހުޅުމީދޫ ރަށްވެހި ފަތިސް ކެމްޕެއިން ލޯންޗުކުރުމުގެ ޖަލްސާއަށް އެމްޑީޕީއަށް ސަޕޯޓްކުރާ މެމްބަރުންނާއި އަދި މީދޫ ދާއިރާގެ ކެނޑިޑޭޓް ޝޫޒާއާއި ހުޅުދޫ ދާއިރާގެ ކެނޑިޑޭޓް ފައިޒްއަށް ސަޕޯޓް ކުރާ ވީހާގިނަފަރާތްތަކަކަުން ވަޑައިގެން ދެއްވުމަކީ އެދެވިގެންވާކަމެކެވެ.