އެމްޑީޕީ ޕްރައިމަރީ ކާމިޔާބުކޮށް ށ އަތޮޅު ކައުންސިލްގެ ރައީސްކަމަށް އެމްޑީޕީން ވާދަކުރުމުގެ ޓިކެޓު މުޙައްމަދު ޝިޔާމް ( ޝިޔާންޓޭ ) ކަށަވަރުކޮށްފިއެވެ.
ށ އަތޮޅު ކައުންސިލްގެ ރައީސް ކަމުގެ ގޮޑިއަށް ޕްރައިމަރީގައި ޝިޔާންޓޭއާއި ވާދަކުރެއްވީ މުހައްމަދު ރަޝީދެވެ.
މުހައްމަދު ރަޝީދާއި ވާދަކޮށް ޝިޔާންޓޭ އަށް ލިބިލެއްވީ 1696 ވޯޓެވެ. މުހައްމަދު ރަޝީދަށް ލިބިލެއްވީ 1559 ވޯޓެވެ. އެހެން ކަމުން ޝިޔާންޓޭ މުހައްމަދު ރަޝީދުގެ މައްޗަށް ކުރިހޯއްދެވީ 137 ވޯޓްގެ ތަފާތަކުންނެވެ. .
ޝިޔާންޓޭއަކީ ފެނަކަ ހުޅުމީދޫ ބްރާންޗްގައި 1 އަހަރަށް ވުރެ ގިނަދުވަސްވަންދެން މަސައްކަތްކޮށްފައިވާ މީދޫއާއި ހުޅުދޫ މީހުންނާއި ޚާއްސަކޮށް ޒުވާނުންނާއި ވަރަށް ބޮޑަށް ގުޅި އެކުވެރިކަން ބާއްވަމުން ގޮސްފައިވާ ބޭފުޅެއްކަން ފާހަގަކޮށްލަންޖެހެއެވެ. އަދި މީދޫއާއި ހުޅުދޫގައި ބޭއްވުނު ޒުވާނުން ހަރަކާތްތަކުގައި ބައިވެރިވެ ޒުވާނުންގެ ހަރަކާތްތަކަށް ވަރަށްބޮޑެތި އެހީތަކެއް ދެއްވާފައިވާ ބޭފުޅެއްކަމަށްވުމާއެކު ޝިޔާންޓޭއަށް މިލިބުނު ކާމިޔާބީއަށް މީދޫއާއި ހުޅުދޫގައި ތިބި ޝިޔާންޓޭގެ ހުރިހާ އެކުވެރިންގެ ފަރާތުންނާއި ވީއޯއެމްގެ ފަރާތުން މަރުހަބާ ދަންނަވަމެވެ.