ރެއިންފެށިގެން މެދުކެނޑުމެއް ނެތި އައްޑުއަތޮޅަށް ކުރަމުންދާ ވިއްސާރާގައި ހުޅުދޫއާއި މީދޫއަށް ބޯކޮށް ވާރޭވެހި ބައެއް ގޭގެއަށް ފެންވަދެ ބޮޑެތި ގެއްލުންތަކެއްވެއްޖެ އެވެ.
މައުލޫމާތު ލިބިފައިވާ ބޯކޮށް ވާރޭވެހުމުގެ ސަބަބުން ހުޅުދޫއާއި މީދޫގެ 60 ގެއަކަށް ވަރަށް ބޮޑަށް ފެން ވަދެ ހިފާގެންގުޅޭ ތަކެއްޗާއި ފަރުރީޗަރުތަކަށްވެސް ވަރަށްބޮޑެތި ގެއްލުންތަކެއް ލިބިފައިވާއިރު ގޭބިސީތަކުގެ ނަރުދަމާގެ މައްސަލަ ޖެހި މަގުމަތީގައި ބަހައްޓާފައިހުރި ނަރުދަމާގެ ޖަންކުޝަންތަކުގައި ވެސް މައްސަލަޖެހުނެވެ.
ހުޅުދޫއާއި މީދުއަށް ހުއްޓުމެއްނެތި ކުރަމުންދިޔަ ވިއްސާރާގައި ގޭގެއަށް ވަދެފައިވާ ފެންހިއްކުމުގެ މަސައްކަތާއި ފެންބޮޑުވިމަގުތަކުގައި ކާނު ކޮނެގެން މޫދަށް ފެންފޮނުވާލުމުގެ މަސައްކަތް މިއަދު ހެނދުނުން ފެށިގެން ހުޅުމީދޫ ޕޮލިސް ސްޓޭޝަނުގެ މުވައްޒަފުންނާއި ޕަބްލިކްވާކްސް ސާވިސްގެ މުވައްޒަފުންގެ އިތުރަށް ރެޑްކްރެސެންޓްގެ މުވައްޒަފުންވެސް ކުރަމުންގޮސްފައިވެއެވެ.އަދި އާދަޔާއި ޚިލާފަށް މަގުމަތަކުގައި ފެންބޮޑުވުމުގެ ސަބަބުން ނަރުދަމާ ނިޒާމުގެ ޕަމްޕް ސްޓޭޝަންތަކަށް ދިމާވި މައްސަލަވެސް ފެނަކައި މުވައްޒަފުން މަސައްކަތްކޮށްގެން މިހާރުވަނީ ހައްލުކޮށްފައެވެ.
މިއީ ފަހުގެ ތާރީހެއްގައި ހުޅުދޫއާއި މީދޫގައި މިހާ ބޮޑަށް ވާރޭވެހި ފެންބޮޑުވި ފަހަރެވެ.
ކޮމެންޓްސް (0)