ގިނަ ދުވަސްތަކަކަށްފަހު އެންމެ މޮޅު ކުޅުންތެރިޔާގެ އެވޯޑް އަލުން ލިބުމަކީ ބޮޑު ހިތްހަމަ ޖެހުމެއްކަމަށް ފީފާއިން ހޮވި އަހަރުގެ އެންމެ މޮޅު ކުޅުންތެރިޔާގެ އެވޯޑް ލިބުނު މެސީ ބުނެފިއެވެ.
ފީފާއިން ހޮވި އަހަރުގެ އެންމެ މޮޅުކުޅުންތެރިޔާގެ އެވޯޑް މެސީހޯދީ ލިވަޕޫލްގެ ނެދަލެންޑްސް ޑިފެންޑަރު ވާޖިލް ވެން ޑައިކް އާއި ޔުއެންޓާސްއަށް ކުޅޭ ޕޯޗްގަލް ރޮނާލްޑޯއާއި ވާދަކޮށެވެ.
މިއީ މެސީއަށް 2015 ގެ ފަހުން ފީފީގެ މޮޅު ކުޅުންތެރިޔާގެ އެވޯޑް ލިބުނު ފުރަތަމަ ފަހަރެވެ. ރެކޯޑް އަދަދެއްކަމަށްވާ 6 ވަނަ ފަހަރަށް އެވޯޑް ލިބުމުން މެސީބުނީ ގިނަ ދުވަސްތަކެއްވަންދެން ބޮޑު އެވޯޑެއްނުލިބި ހުރުމުން ހުރީ މާޔޫސްވެފައިކަމަށާ އެންމެފަހުން އެކަމަށް ނިމުމެއް އަތުވެއްޖެކަމަށެވެ. އޭނާ ބުނީ މިސީޒަންގެ އެންމެ މުހިއްމު އަމާޒަކީ ޗެމްޕިއަންސްލީގުކަމަށާ އެމުބާރާތުގެ ތަށި ހޯދަން ވަރަށްބޮޑަށް ތައްޔާރުވާނެކަމަށެވެ.
މެސީއާއި ވާދަކޮށް ދެވަނައަށްދިޔަ ވާޖިލް ވެން ޑައިކް ބުނީ އެވޯޑް ނުލިބުމުން މާޔޫސް ނުވާކަމަށާ މެސީކަހަލަ ކުޅުންތެރިޔަކާ އޭނާއާއި އަޅާވެސް ނުކިޔޭނެކަމަށެވެ. އަދި ގަދަ ތިނެއްގައި ހިމެނުމަކީވެސް ބޮޑުކާމިޔާބެއްކަމަށް ވާޖިލް ވެން ޑައިކް ވަނީ ބުނެފައެވެ.
ރޭ ފީފާގެ އެންމެ މޮޅު ކުޅުންތެރިޔާގެ މަގާމް އިއުލާންކުރުމަށް ބޭއްވި ހަފްލާގައި 3 ވަނައަށްދިޔަ ރޮނާލްޑޯ ބައިވެރިނުވާކަން ފާހަގަކޮށްލެވެއެވެ.
މަސްދަރު : ޕީއެސްއެެމް
ކޮމެންޓްސް (0)