ޕޮލިސް ކަޕް 2019 ގެ ފައިނަލުން ރެފިއުޖީ ޖާގަ ހޯދައިފިއެވެ.
ޕޮލިސް ކަޕްގައި ވާދަކުރާ އެންމެ މޮޅު ޓީމްކަމުގައި ބެލެވޭ ރެފިއުޖީ މިމުބާރާތުގެ ފައިނަލުން ޖާގަ ހޯދީ އާދިއްތަ ދުވަހުގެރޭ ޕޮލިސް ދަނޑުގައި ކުޅެވުނު ސެމީ ފައިނަލްގެ ދެވަނަ މެޗުގައި ޕޮލިސްޓީމާ ވާދަކޮށް 2 ލަނޑު 0 ލަނޑުން މޮޅުވެގެންނެވެ.
މި މެޗުގައިވެސް ވާދަވެރި ކުޅުމެއް ފެނިގެންގޮސްފައިވާއިރު ރެފިއުޖީއަށް މިމުބާރާތުގެ ފައިނަލުން ޖާގަލިބުނީ މިމެޗުގެ ފުރިހަމަ ވަގުތު ހަމަވިއިރު ދެޓީމުންކުރެ އެއްވެސް ޓީމަކަށް ލަނޑެއް ކާމިޔާބުކުރެވިފައި ނެތުމުގެ ސަބަބުން މެޗުން މޮޅުވާ ޓީމެއް ކަނޑައެޅުމަށް ޕެނަލްޓީ ޖެހި ޖެހުމުގައި 2-0 އިން މޮޅުވެގެންނެވެ.
މިމެޗްގައި ރެފިއުޖީން ޖެހި ޕެނަލްޓީތަކުގެ ތެރެއިން ކާމިޔާބުކުރެވުނީ އިންމެއާއި ނެކްރޯ ޖެހި ޕެނަލްޓީއެވެ. މައުޝޫގުއާއި ލިރު ޖެހިޕެނަލްޓީ ކާމިޔާބެއް ނުކުރެވުނެވެ.
ޕޮލިސްޓީމުން ޕެނަލްޓީޖަހާފައިވަނީ ރައްޕީ ، ޝަރަފް ، ޕިންޑޭ އަދި ޝިއްޕޭއެވެ.
ރެފިއުޖީއާއި ކެނެރީފް ބައްދަލުކުރާ ފައިނަލްމެޗްގެ ކުޅުން އޮންނާނީ ހޯމަ ދުވަހުގެރޭ 9:00 ގައި ޕޮލިސް ދަނޑުގައެވެ.