ސީނު މީދޫ ސަންބީމުއަށް ރޭ ދަންވަރު މީހަކު ވަދެ، އެގޭ ރަމީޒާއާއި ރަމީޒާގެ މަންމަ ފާތުމަތުދީދީ އަނިޔާކޮށްފިއެވެ.
މީދޫ ސަންބީމް އަށް ވަދެފައިވާ ކަމަށް މައުލޫމާތު ލިބިފައި ވަނީ ރ. އަލިފުށީ ވަފާ، އަލީ ނަސީމެވެ. މައުލޫމާތު ލިބިފައިވާ ގޮތުގައި ނަސީމަކީ ރަމީޒާ ކުރީގެ ފިރިމީހާއެވެ،
ނަންހާމަކުރަން ނޭދޭ މީދޫ މީހަކު ބުނެފައި ވަނީ ނަސީމް ރަމީޒާ ބިންމައްޗަށް ވައްޓާލުމަށް ފަހު އަނިޔާކުރަމުން ދަނިކޮށް، ރަމީޒާގެ މަންމަ ފާތުމަތުދީދީއަށް ފެނުމުން އެކަން ހުއްޓުވުމަށް ފާތުމަތުދީދީ މަސައްކަތް ކުރުމުން ފާތުމަތުދީދީއަށްވެސް ނަސީމު އަނީޔާކޮށްފައިވާކަމަށެވެ.
“ނަސީމް ރަމީޒާ ބިންމައްޗަށް ވައްޓާލުމަށް ފަހު އަނިޔާކުރަމުން ދަނިކޮށް، ފާތުމަތުދީދީއަށް ފެނުނީ. ފާތުމަތުދީދީ އެކަން ހުއްޓުވަން މަސައްކަތް ކުރުމުން ފާތުމަތުދީދީ އަށްވެސް ނަސީމު އަނިޔާކުރީ،” މީދުން މައުލޫމާތު ދެއްވި މީހާ ބުނެފައިވެއެވެ.
އެނގިފައިވާ ގޮތުގައި ނަސީމުގެ ކުރީގެ އަނބިމީހާއި ރަމީޒާއާއި އޭނާގެ މަންމަ ފާތުމަތުދީދީއަށް ނަސީމް ކޮށްފައިވާ އަނިޔާތަކަށް ރޭ ސިއްހީމަރުކަޒުގައި ފަރުވާދިނުމަށްފަހު މިހާރުވަނީ ދޫކޮށްލާފައެވެ.
މިމައްސަލަ ރޭ ހުޅުމީދޫ ޕޮލިސް ސްޓޭޝަނަށް ހުށަހެޅުމުން ޕޮލިސް ސްޓޭޝަނުންވަނީ ރޭ ނަސީމް ހޯދާ ޕޮލިހުންގެ ބެލުމުގެ ދަށަށް ނަސީމު ގެންގޮސްފައެވެ،