ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އައްޑޫ މީދޫ ދާއިރާ އަށް ވާދަކުރައްވާ އެމްޑީޕީގެ ކެންޑިޑޭޓް ރޮޒެއިނާ އާދަމްއަށް ތާއީދު ހޯދުމަށްޓަކައި މީދޫގައި އެމްޑީޕީން ބަހައްޓާފައިވާ ބެނާއެއް ހަލާކުކޮށްފިއެވެ.
މީދޫ ބަނދަރުގެ މޮނިއުމެންޓް ކައިރީގައި ބަހައްޓާފައިވާ މިބެނާ ހަލާކުކޮށްލާފައިވަނީ ރޭގެ ވަގުތެއްގައެވެ.
އައްޑޫ މީދޫ ދާއިރާ އަށް ވާދަކުރައްވާ އެމްޑީޕީގެ ކެންޑިޑޭޓް ރޮޒެއިނާ އާދަމްހިމެނޭގޮތައް ރޮޒައިނާގެ ކެމްޕެއިންޓީމުން އިއްޔެ މީދޫގައި ވެހިކަލް ބުރެއް ބާއްވާފައިވާއިރު މިވެހިކަލް ބުރު ނިންމާލުމަށްފަހު ވެހިކަލްބުރުގައި ބައިވެރިވި ބައިވެރީން ފޮޓޯ ނަގާފައިވަނީ ހަލާކުކޮށްލި ބެނާ ހިމެނޭ މީދޫ ބަނދަރު ސަރަހައްދުގެ މޮނިއުމެންޓް ކައިރީގައެވެ.
” އެހެން މީހުންގެ ކެމްޕެއިން މެޓީރިއަލްސް ހަލާކުކުރުމަކީ ގާނޫނީ ކުށެއް.
މިކަމާ ގުޅިގެން އެއްވެސް ކެނޑިޑޭޓެއްގެ ކެމްޕެއިން ޕޯސްޓަރަކަށް ނުވަތަ އެހެންތަކެއްޗަކަށްވެސް އަޅުގަޑުގެ ކެމްޕެއިންޓީމުގެ އެއްވެސް މީހަކު ގެއްލުން ނުދިނުމަކީ އަޅުގަޑުގެ އިއުތިމާސެއް. ” ޕޯސްޓަރު ހަލާކުކޮށްލުމާއިގުޅިގެން މިއަދު ފޭސްބުކްގައި ރޮޒެއިނާ ކޮށްފައިވާ ޕޯސްޓެއްގައި ބުނެފައިވެއެވެ.