Advertisement
އައްޑޫސިޓީ ފޭދޫގައި “ޖޯލިއަންސް މިކްސް ވޮލީ މުބާރާތް ” ނަމުގައި މިކްސް ވޮލީބޯޅަ މުބާރާތެއް ފަށައިފިއެވެ.
ފޭދޫގެ ވޮލީ ކޯޓުގައި މިމަހުގެ 20 ވަނަ ދުވަހުގެރޭ ފެށުނު މިމުބާރާތުގައި 6 ޓީމަކުން ބައިވެރިވެފައިވާއިރު މިމުބާރާތް ފެށުމުގެ ގޮތުން ކުޅެވުނު ފުރަތަމަމެޗްގައި ބައްދަލުކުރީ ޓީމް ލިޓަސްއާއި ޓީމް ޗެލެންޖާސްއެވެ.
ފޯރިގަދަ ކުޅުމަކަށްފަހު މިމެޗް 3 ސެޓް 2 ސެޓުން ކާމިޔާބުކުރީ ޓީމް ލިޓަސްއެވެ. މިމެޗްގެ މޭންއޮފްދަމެޗަކަށް ޓީމް ލިޓާސްގެ އަހުމަދު ލުޠުފީ ހޮވިފައިވާއިރު މިމެޗްގެ ކްއީން އޮފްދަ މެޗަކަށް ހޮވިފައިވަނީ ޗެލެންޖާސްގެ ޝިފްނާއެވެ.
ރޭ ކުޅެވުނު މިމުބާރާތުގެ ދެވަނަމެޗްގައި ބައްދަލުކުރީ ޓީމް އެވަގްރީންއާއި ޓީމް ގަރާޖްއެވެ. މިމެޗް ސީދާ ތިންސެޓުން ކާމިޔާބުކުރީ ޓީމް ގަރާޖެވެ.
މިމެޗްގެ މޭންއޮފްދަ މެޗަކަށް ޓީމް ގަރާޖްގެ އަލީ މުސާ ހޮވިފައިވާއިރު މިމެޗްގެ ކްއީން އޮފަދަމެޗަކަށް ހޮވިފައިވަނީ ޓީމް ގަރާޖްގެ އާމިނަތު ސަމާއެވެ.
ފޭދޫ ޒުވާނުން އިންތިޒާމްކޮށްގެން ބާއްވާ މިމުބާރާތުގެ މަޤްޞަދަކީ ކުޅިވަރުގެ ރޫޙް އާލާ ކުރުމާއި ވޮލީބޯޅައިގެ ރޫހު އާލާ ކުރުމުގެ އިތުރަށް އެކުވެރިކަން ބަދަހިކުރުންކަމަށް މުބާރާތް އިންތިޒާމް ކުރާ ފަރާތުން މައުލޫމާތުދެއެވެ.
ޖުމްލަ ހަ ޓީމެއް ބައިވެރިވި މުބާރާތުގެ ޗެމްޕިއަން ޓީމަކަށް ފަސްހާސް ރުފިޔާ، ރަނައަޕްޓީމަށް ތިން ހާސް ރުފިޔާ އަދި ތިންވަނައަށް ހޮވޭ ޓީމަކަށް އެއްހާސް ރުފިޔާ ދިނުމަށް ވަނީ ހަމަޖެހިފައެވެ.