ސަހާފްގެ ހެޓްރިކާއެކު އައްޑޫސިޓީ މައިލޯ އިންޓަރ ސްކޫލް ފުޓްބޯޅަ މުބާރާތުގައި އަންގާރަ ދުވަހު ހަވީރު ކުޅެވުނު 16 އަހަރުން ދަށުގެ މެޗް އަތޮޅުމަދަރުސާގެޓީމް ކާމިޔާބުކޮށްފިއެވެ.
ހިތަދޫ ސްޓޭޑިއަމްގައި ކުޅެވުނު މިމެޗް އަތޮޅުމަދަރުސާޓީމް ކާމިޔާބުކުރީ އިރުޝާދިއްޔާ ސްކޫލްގެ ޓިމާ ބައްދަލުކޮށް 4 ލަނޑު 1 ލަނޑުންނެވެ.
އަތޮޅުމަދަރުސާ ޓީމުން މިމެޗްގައި ކާމިޔާބުކުރި ފުރަތަމަ ލަނޑު 13 ވަނަ މިނިޓްގައި އެޓީމަށް ލިބުނު ޕެނަލްޓީއަކުން ކާމިޔާބުކޮށްދިނީ ސަހާފްއެވެ.
މިމެޗްގެ ފުރަތަމަ ހާފް ނިމުނީ 1 ލަނޑު 0 ލަނޑުން އަތޮޅުމަދަރުސާ ލީޑުގައި އޮވެގެންނެވެ.
ދެވަނަ ހާފްގެކުޅުން ފެށިގެން މެޗްގެ 53 ވަނަ މިނިޓްގައި ސަހާފްވަނީ އަތޮޅުމަދަރުސާޓީމްގެ ދެވަނަ ލަނޑު ކާމިޔާބުކޮށްދީފައެވެ. އަތޮޅުމަދަރުސާ ޓީމުގެ ދެވަނަ ލަނޑު އެޓީމުން ކާމިޔާބުކުރިތާ 4 މިނިޓް ފަހުން އިރުޝާދިއްޔާއިން މިމެޗްގައި ކާމިޔާބުކުރި ހަައެކަނި ލަނޑު 57 ވަނަ މިނިޓްގައި ކާމިޔާބުކޮށްދިނީ އިސްމާއީލް ސިޔާމެވެ.
މިމެޗްގައި އަތޮޅުމަދަރުސާޓީމުން ކާމިޔާބުކުރި 3 ވަނަ ލަނޑު 65 ވަނަ މިނިޓްގައި މުހައްމަދު މީސަންއެވެ. އަދި ސަހާފްވަނީ އަތޮޅުމަދަރުސާޓީމުގެ 4 ވަނަ ލަނޑު 68 ވަނަ މިނިޓްގައި ކާމިޔާބުކޮށްދީ މިމެޗައި ހެޓްރިކް ހަދާފައެވެ.
މިމުބާރާތުގައި އަތޮޅުމަދަރުސާޓީމް ކުޅުނު ފުރަތަމަ މެޗަގައި ޝަރަފުއްދީން ސްކޫލްގެ ޓީމާވާދަކޮށް 3 ލަނޑު 3 ލަނޑުވަނީ އެއްވަރުވެފައެވެ. އިރުޝާދިއްޔާ ސްކޫލްވަނީ އެޓީމު ކުޅުނު ފުރަތަމަ މެޗުގައި ހިތަދޫ ސްކޫލްގެ ޓީމާ ބައްދަލު 3 ލަނޑު 2 ލަނޑުން މޮޅުވެފައެވެ.