އައްޑޫ ސިޓީ މަރަދޫ ބޮޑު މަގުގައި ސައިކަލަކާ ކާރެއްޖެހި އެކްސިޑެންޓެއް ހިގައިފިއެވެ.
ރޭ 10:00 ހާއިރު މަރަދޫ ގްލެޑްކެފޭ ކައިރީ ހިގި މިއެކްސިޑެންޓް ހިނގާފައިވަނީ ގަމާވީކޮޅުން ހިތަދޫއާވީ ކޮޅަށް ދުއްވާފައި ދިޔަ ކާރެއްގައި ހިތަދޫއާވީކޮޅުން ގަމާވީކޮޅަށް ދުއްވާފައި ދިޔަ އެއާބްލޭޑް ސައިކަލެއްގައި ޖެހިގެންނެވެ.
މިއެކްސިޑެންޓްގައި ސައިކަލްދުއްވަން އިން މަރަދޫ ޒުވާނާއަށް އެކި ވަރުގެ އަނިޔާ ލިބިފައިވާތީ އޭނާއަށް މިހާރުދަނީ ހިތަދޫ ރީޖަނަލް ހޮސްޕިޓަލުގައި ފަރުވާދެމުންނެވެ.
މިއެކްސިޑެންޓްގައި ކާރު ދުއްވަންއިން މީހާއަށް އެއްވެސް ގެއްލުމެއް ލިބިފައި ނުވިނަމަވެސް ކާރުގެ ކުރީކޮޅަށްވަނީ ވަރަށްބޮޑަށް ގެއްލުން ލިބިފައެވެ.
ކޮމެންޓްސް (0)