އިމްސާ ވޮލީބޯލް ޓޯނަމަންޓްގެ އަންހެން ޑިވިޜަންގެ ޗެމްޕިއަންކަން ޑީއެސްއާރުސީ އަށް

ފުވައްމުލަކުގައި ބޭއްވި “އިމްސާ ވޮލީބޯލް ޓޯނަމަންޓް 2024” ގެ އަންހެން ޑިވިޜަންގެ  ޗެމްޕިއަންކަން ދަނޑިމަގު “ޑީއެސްއާރުސީ ރަނިންގ ” ޓީމުން ހޯދައިފިއެވެ.

ޑީއެސްއާރުސީ ރަނިންގ މިމުބާރާތުގެ ޗެމްޕިއަންކަން ހޯދާފައިވަނީ ރޭ ކުޅުނު ފައިނަލް މެޗުގައި ފުނާޑު އެސްސީއާއި ބައްދަލުކޮށް ވާދަވެރި ފޯރިގަދަ ކުޅުމަކަށްފަހު ތިންސެޓް އެއްސެޓުން މެޗްކާމިޔާބުކޮށްގެންނެވެ.

 މިމެޗުގެ ސެޓްތައް ގޮސްފައި ވަނީ ( 25/15، 18/23، 15/25، 08/25 ) އިންނެވެ.

ފައިނަލް މެޗުގެ މޮޅު ކުޅުންތެރިޔާއަށް ހޮވުނީ ޑީއެސްއާރުސީ ޓީމްގެ އާމިނަތު ރަފާ އިބްރާހިމްެވެ. މުބާރާތުގެ މޮޅު ކުޅުންތެރިޔާ (ކްއީން އޮފް ދި ޓޯނަމަންޓް) އަށް ވެސް ހޮވިފައިވަނީ ޑީއެސްއާރުސީ ޓީމްގެ އާމިނަތު ރަފާ އިބްރާހިމްެވެ.

މުބާރާތުގެ އެންމެ މޮޅު 7 ކުޅުންތެރިން

• އާމިނަތު ރަފާ އިބްރާހިމް  – ޑީއެސްއާރުސީ
• އައިޝަތު ޒުބީނާ  – ފުނާޑު
• ހައްވާ ޝައުސަން – ހޯދަނޑު
• އާމިނަތު އަޒީމާ  – ފުނާޑު
• އާމިނަތު ނަބީލާ ޖަލީލު – ޑީއެސްއާރުސީ
• އާމިނަތު މައިކު އަހުމަދު – ޑީއެސްއާރުސީ
• ނަވާ އިބްރާހިމް – ފުނާޑު
• ފެއާޕްލޭ ޓީމް : ނިލަންދޫ ޔޫތު
• 21 އަހަރުންދަށުގެ އެންމެ އުއްމީދީ ކުޅުންތެރިޔާ – މަރިޔަމް ނާމިޒާ- ނިލަންދޫޔޫތު
• އެންމެ މޮޅު ކޯޗް – އަޒުމީ މުހައްމަދު – ޑީއެސްއާރުސީ

މުބާރާތް ބޭއްވުމުގެ މަގުސަދުތަކުގެ ތެރޭގައި ހިމެނެނީ ހުނަރުވެރި ވޮލީ ކުޅުންތެރިން އުފެއްދުމާއި ކަނބަލުންގެ މެދުގައި އެކުވެރިކަން އާލާކުރުންކަމަށް އިމްސާ އިން ބުނެފައިވެއެވެ.

މަސްދަރު: ޚަބަރާއިގުޅޭ ފޮޓޯ- އިމްސާ ފޭސްބުކް ޕޭޖުން