ހުޅުދޫގައި ހިނގި އެކްސިޑެންޓެއްގައި މީހަކަށް ސީރިއަސް އަނިޔާތަކެއް ލިބިއްޖެއެވެ.
ބަހާއުއްދީންމަގުން އުތުރުން ދެކުނަށް ދުއްވާފައިދިޔަ ސައިކަލް ވެއްޓި މިއެކްސިޑެންޓް ހިނގާފައިވަނީ ޓްރިޕަލްބޭކަރީ ކައިރީގައި އަޅާފައިވާ ބްރޭކަރުގައި ޖެހި ސައިކަލްގެ ކޮންޓްރޯލް ގެއްލި، ސައިކަލް ވެއްޓިގެން ކަމަށް މައުލޫމާތު ލިބިފައިވެއެވެ.
އެކްސިޑެންޓްގައި އަނިޔާވި ހުޅުދޫ އަންހެން މީހާއަށް ހުޅުމީދޫ ސިއްހީމަރުކަޒުގައި ފަރުވާދިނުމަށްފަހު އައްޑޫ އިކުއަޓޯރިއަލް ހޮސްޕިޓަލަށް ފޮނުވައިގެންވަނީ ފަރުވާދެވިފައެވެ.
މި އެކްސިޑެންޓުގައި އަނިޔާވި މީހާގެ އަތުގައި ލައިސެންސް އޮތްކަމުގައިވިިޔަސް، މިއެކްސިޑެންޓް ހިގާފައިވަނީ ސައިކަލް ދުއްވާފައިދިޔަ މީހާއަށް ބްރޭކަރު ފާހަގަ ނުކުރެވިގެން ބާރު ސްޕީޑްގައި ބްރޭކަރުމަތިން ދުއްވާފައި ދިއުމުންކަމަށް މައުލޫމާތު ލިބިފައިވެއެވެ.
ބްރޭކަރު ފާހަގަ ނުކުރެވިގެން ހިގި މިއެކްސިޑެންޓް ހިގިފައިހުން ހުޅުދޫ އަވަށު އޮފީހުން ހުޅުދޫ ބަހާއުއްދީންމަގުގައި ހަދާފައިވާ ބްރޭކަރުތައް ފާހަގަކުރެވޭގޮތައް މިއަދު ( 1 އޯގަސްޓް 2024 ) ވަނީ ރީދޫކުލަލާންފަށާފައެވެ.
ކޮމެންޓްސް (0)