އައްޑޫ ސިޓީގައި ހުންނަ ނޭޝަނަލް ޕޮލިސިންގ އެންޑް ލޯ އެންފޯސްމަންޓް، ޕޮލިސް ކޮލެޖުގައި ކިޔަވަމުންދިޔަ ގިނަ ދަރިވަރުންތަކެއް ބަލިވެ ހޮސްޕިޓަލުގައި ފަރުވާދޭން ފަށައިފިއެވެ.
ފުލުހުން ވިދާޅުވީ، ޕޮލިސް ކޮލެޖުގެ ގިނަ ދަރިވަރުންތަކެއް ބަލިވެ އައްޑޫ އިކުއެޓޯރިއަލް ހޮސްޕިޓަލުގައި މިވަގުތު އެނދުމަތިކޮށް ފަރުވާދެމުން އަންނަކަމަށެވެ. އަދި މިކަން ދިމާވި ސަބަބު ހޮސްޕިޓަލް މެދުވެރިކޮށްދަނީ ބަލަމުންކަމަށް ފުލުހުން ވިދާޅުވިއެވެ.
މިކަމާ ގުޅޭ އިތުރު ތަފްސީލް ފުލުހުން ހާމަކުރައްވާފައެއް ނުވެއެވެ.
މަޢުލޫމާތު ލިބިފައިވާގޮތުގައި ގިނަ ދަރިވަރުންނަށް ދަރުވާދޭން ފެށީ މިރޭގެ ރޭގަނޑުގެ ކެއުމަށްފަހު ފުޑް ޕޮއިޒަން ނުވަތަ ކާނާ ވިހަވެގެންނެވެ. 100އަށްވުރެ ގިނަ ދަރިވަރުން ތަޢުލީމާ ތަމްރީން ހާސިލްކުރަމުން ގެންދާ އެ ކޮލެޖުގެ ގާތްގަނޑަކަށް 30 ދަރިވަރުން އެޑްމިޓްކޮށް ފަރުވާދީފައިވެއެވެ.
ޕޮލިސް ކޮލެޖަކީ ފުލުހުންނަށް ޚިދުމަތުގެ އެކި ފަންނުތަކާއި ގުޅޭ ތަޢުލީމާއި ތަމްރީން ދިނުމަށް ޤާއިމްކޮށްފައިވާ ކޮލެޖެކެވެ. އެތަނުގައި ގިނަ ޢަދަދެއްގެ ފުލުހުނުން ތަމްރީން ހަދަމުންދެއެވެ.