އިނގިރޭސި ޕްރިމިއާ ލީގުގައި އާސެނަލާއި ލިވަޕޫލް ކުޅުނު މެޗުތަކުން ބަލިވެ، އެންމެ ފަހުގެ ޗެމްޕިއަން މެންޗެސްޓާ ސިޓީ އަށް ލީގު ޗެމްޕިއަންކަން ލިބުމުގެ ފުރުސަތު ބޮޑުވެއްޖެވެ.
އަމިއްލަ ދަނޑުގައި ލިވަޕޫލް ކްރިސްޓަލް ޕެލަސް އާއި ބައްދަލުކޮށް 1-0 އިން ބަލިވެފައިވާއިރު އާސެނަލް ބަލިވީ އެސްޓަން ވިލާ އާއި ބައްދަލުކޮށް 2 ލަނޑު 0 ލަނޑުންނެވެ.
ލިވަޕޫލްއާއި އާސެނަލް ބަލިވުމުން ސިޓީއަށް ޓޭބަލްގެ ލީޑު ލިބެނީ 32 މެޗުން 73 ޕޮއިންޓް ލިބިގެންނެވެ. ދެ ވަނައިގައި އޮތް އާސެނަލާއި ތިން ވަނައިގައި އޮތް ލިވަޕޫލަށް 32 މެޗުން ލިބިފައިވަނީ 71 ޕޮއިންޓެވެ.