އިޔާޒުގެ ގާބިލްކަމާދޭތެރޭގައި ޝައްކު ނުކުރައްވާކަމަށް ޓުއަރިޒަމް މިނިސްޓަރ އިބްރާހިމް ފައިސަލް ވިދާޅުވެއްޖެވެ.
ފައިސަލް މިހެންވިދާޅުވީ “އެންމެން ދޭކަށް ” މިނަމުގައި އަލްއުސްތާޛު އިޔާޒް ނަސީމުގެ ކެމްޕެއިން ރަސްމީކޮށް ފެށުމުގެ ގޮތުން މީދޫގައި ބޭއްވުނު ރަސްމިއްޔާތުގައި ވާހަކަފުޅު ދައްކަވަމުންނެވެ.
ފައިސަލް: މީދޫ ޒުވާނުންނާއެކު –
” ދެންމެ އިޔާޒު ދެއްކެވި ވާހަކަފުޅުން އެކަން އަޅުގަޑަށް އެގިއްޖެ ، އެމަނިކުފާނަކީ މަޖިލިހުގައި ޕީޕީއެމް ، ޕީއެންސީ ސަރުކާރު ތަމްސީލްކުރަން މިދާއިރާގެ ރަށްޔިތުން ދައްކާފައިހުރި އެންމެ ރަގަޅު ކެނޑިޑޭޓްކަން . އަދި ރަށްޔިތުންގެ މަޖިލިހުގައި ވަކާލާތުކުރަން އެންމެ ރަގަޅު އެއްކެނޑިޑޭޓްކަން ، ވީމާ އެމަނިކުފާނާއިއެކީގައި ސަރުކާރު މިއޮތީ ، އަޅުގަޑުމެންގެ މުޅިޕާޓީ މިއޮތީ އެމަނިކުފާނު ހޮވަން ކުރަންޖެހުނު ކޮންމެ މަސައްކަތެއްކުރަން “
ފައިސަލް ވިދާޅުވިއެވެ.
މިބައްދަލުވުމުގައި އިތުރަށް ވާހަކަފުޅު ދައްކަވަމުން ފައިސަލް ވިދާޅުވީ ރަށްޔިތުންގެ މަޖިލިހުގެ މެޖޯރިޓީއާއި ނުލާ ވެރިކަންކުރުމަކީ ވަރަށް ދަތިކަމެއްކަމަށާ އަދި މަޖިލިހުގެ މެޖޯރިޓީ ނެތުމުން ކަންތައްތައް ވާގޮތް ދާދިފަހުން ފެނިގެންގޮސްފައިވާކަމަށެވެ.
” މަޖިލިހުގެ މެޖޯރިޓީ ނުލިބިއްޖެކަމަށްވާނަމަ އަޅުގަޑުމެން ވޭތުވެދިޔަތާގައި ކުރި މަސައްކަތަކީ ބޭކާރު މަސައްކަތަކަށް ވެގެންދާނެ ، މިހާރު މިއޮތް މަޖިލިހުން ދިވެހި ސަރުކާރަށް ކުރަމުންދާ ޖެއްސުން އެގޭނެ ތިޔަ އެންމެހާ ލޮބުވެތި ރަށްޔިތުންނަށް. އެކަން ހައްލުކުރުމަށްޓަކައި މަޖިލިހުގެ ސްޕަމެޖޯރިޓީ މިފަހަރު އަޅުގަޑުމެން ބޭނުންވޭ . އެކަންކުރެވޭނީ ހުޅުދޫ ގޮޑިއާއި މީދޫގޮޑިވެސް ލިބިގެން “
ފައިސަލް ވިދާޅުވިއެވެ.
އަދި މީގެ އިތުރަށް ފައިސަލް ވިދާޅުވީ އައްޑޫގައި ޕީޕީއެމް ޕީއެންސީ ފިކުރަށް އެންމެ ލޯތްބާއި ކުލުނު އޮންނަ ރަށަކީ މީދޫކަމަށާއެކަންއެބޭފުޅުންނަށް ފާހަގަކުރެވިފައިވާކަމަށެވެ.
advertisement