މީދޫގެ ސީޔާސީ ބާރުވެރިކަން ދެމެހެއްޓުމަށްޓަކައި މީދޫއަށް އުފަން މީދޫގެ ތައުލީމީ ގާބިލް ބޭފުޅަކު މަޖިލިހުގެ މީދޫ ދާއިރާގެ ގޮޑިއަށް އިންތިޚާބް ކުރުމަކީ ކޮންމެހެން ކުރަންޖެހޭކަމެއްކަމަށް އައްޑޫސިޓީގެ ކުރީގެ ޑިޕިއުޓީ މޭޔަރު ހަސަން ޝާހިދު ވިދާޅުވެއްޖެވެ.
ހަސަން ޝާހިދު މިހެން ވިދާޅުވީ ހުކުރު ދުވަހުގެރޭ ބޭއްވުނު އަލްއުސްތާޛު އިޔާޒް ނަސީމުގެ ކެމްޕެއިން ރަސްމީކޮށް ފެށުމުގެ ގޮތުން ބޭއްވުނު ރަސްމިއްޔާތުގައި ވާހަކަފުޅު ދައްކަވަމުންނެވެ.
މިރަސްމިއްޔާތުގައި ޓުއަރިޒަމް މިނިސްޓަރ އިބްރާހިމް ފައިސަލްގެ އިތުރަށް އެމްޓީޑީސީގެ މެނޭޖިންގ ޑިރެކްޓަރ އަހުމަދު ނިޔާޒު ބައިވެރިވެވަޑައިގެންނެވި
ރައީސް ޑރ. މުއިއްޒުގެ ސަރުކާރުގެ ފަރާތުން މީދޫ ދާއިރާގެ މަޖިލިސް ގޮޑިއަށް ކުރިމަތި ލައްވާފައިވާ އިޔާޒު ނަސީމުގެ ކެމްޕެއިމް ރަސްމީކޮށް ފެށުމުގެ ގޮތުން ބޭއްވުނު މިރަސްމިއްޔާތުގައި ވާހަކަފުޅުދައްކަވަމުން ހަސަން ޝާހިދު ވިދާޅުވީ ރައީސް މުއިއްޒުގެ ސަރުކާރު ރަށްޔިތުންގެ ބޮޑު މެޖޯރިޓީއާއިއެކު ގެނައީ ދިވެހިރާއްޖެ އަލުން ދިވެހީންނަށް އަނބުރާ ހޯދައިދިނުމަށްކުރަންޖެހޭ މަސައްކަތްތައް ކުރުމަށްކަމަށެވެ.
ޝާހިދު ވިދާޅުވީ މިމަސައްކަތް ކުރެވެން އޮތީ ރަށްޔިތުންގެ މަޖިލިހުގެ މެޖޯރިޓީ އަދުގެ ސަރުކާރަށް ލިބިގެންކަމަށްވާތީ މީދޫ ދާއިރާއަށް ކުރިމަތި ލައްވާފައިވާ ސަރުކާރުގެ ކެނޑިޑޭޓް އިޔާޒު ނަސީމު މީދޫ ދާއިރާއަށް ކޮންމެހެންވެސް ހޮވަންޖެހޭކަމަށެވެ.
އިޔާޒު ނަސީމުކީ ރަށްޔިތުންގެ ކެނޑިޑޭޓްކަމަށާ އަދި ސަރުކާރުގެ ކެނޑިޑޭޓަކީ އިޔާޒު ނަސީމުކަމަށް ވިދާޅުވެ ވާހަކަފުޅު ދައްކަވަމުން ޝާހިދު ވިދާޅުވީ އިޔާޒު މީދޫ ދާއިރާއަށް ހޮވަންޖެހޭ ސަބަބަކީ ސަރުކާރުން ބޭނުންފުޅުވާ ކަންތައްތައް މިޖިލިހުގެ ތެރެއިން ކުރުމަށް ސަރުކާރަށް މަގުފަހިކޮށްދިނުމުގެ ގޮތުންކަމަށެވެ.
މިހާރު ވެސް ތިބޭފުޅުންނަށް ފެނިވަޑައިގަންނަވާނެ ރައްޔިތުންގެ މަޖިލިހުގައި ކަންތައް ހިނގަމުންދާ ގޮތް- ސަރުކާރުން ބޭނުންވާ ބައެއް ކަންތައްތައް (މަޖިލިހުން) ނުވެ ލަސްވަމުން މިދަނީ. ސަރުކާރަށް މަޖިލިހުގެ މެޖޯރިޓީ ނެތުމުގެ ސަބަބުން ، މިއީކީ ސަރުކާރުން ބޭނުންވާ ގޮތެއް ނޫން. އަޅުގަނޑުމެންވެސް ބޭނުންވާ ގޮތެއް ވެސް ނޫން. ރައްޔިތުން ބޭނުންވާ ގޮތެއް ވެސް ނޫން. މި ގޮތަށް ކަންތައް ހިނގައިގެން ނުވާނެ،”،
ޝާހިދު ވިދާޅުވިއެވެ.
މިރަސްމިއްޔާތުގައި އިތުރަށް ވާހަކަފުޅުދައްކަވަމުން ޝާހިދު ވިދާޅުވީ ދިވެހިރާއްޖޭގެ ގާނޫނު ހަދާމަޖިލިހުގެ މެޖޯރިޓީ ސަރުކާރަށް ނުލިބިއްޖެނަމަ ސަރުކާރަކުން ރަށްޔިތުންނަށް ކޮށްދެވޭނެ އެއްވެސް ކަމެއްނޯންނާނެކަމަށެވެ . އަދި އެކަން އެންމެ ރަގަޅަށް ހިތިކޮށް ތަޖުރިބާކުރި އެއްދާއިރާއަކީ 2014 ވަނަ އަހަރު މީދޫ ދާއިރާކަމަށް ޝާހިދު ވިދާޅުވިއެވެ.
ޑިމޮކްރަސީގެ ވަރަށް ރިވެތި އުސޫލުން ސަރުކާރު ޖަވާބްދާރީ ކުރުމަށް އޮޕޮޒިޝަން ކެނޑިޑޭޓަރު މަޖިލަށް ފޮނުވުމުން ، ބޮޑުހިލަ ޖަހަމުންގޮސް ވަކިހިސާބަކުން ހުއްޓުނު ތަން އޮތީ ފެނިފައިކަމަށް ޝާހިދު ވިދާޅުވިއެވެ . އެހެންކަމުން މީދޫއަށް ހެޔޮއެދޭ ކޮންމެ ދިވެހި ރަށްޔިތަކުވެސް މިކަމާއިދޭތެރެ ފިކުރުކޮށް ވިސްނަން ޖެހޭކަމަށް ޝާހިދު ވިދާޅުވިއެވެ.
މީ މީދުއަށް ސިޔާސީ ބާރުވެރިކަން ހޯދަން ލިބޭ އެންމެ ފަހި ފުރުސަތު ، އަހަރެމެން ބޭނުންވަނީ ސަރުކާރާއެއްކޮށް ކުރިއަށް އޮތް ފަސްއަހަރުގެތެރޭގައި މީދޫއަށް ތަރައްގީހޯދުން ، މީކީ މާ އުދަގޫކަމަށްނޫން . އަހަރެމެން ބޭނުމެއްނޫން 5 އަހަރު ބޭކާރު ގޮތުގައި ހޭދަކުރަން .
ޝާހިދު ވިދާޅުވިއެވެ.
advertisement