އަޅުގަޑުމެންގެ މިހާބޮޑު ރިސޯސެއް އޮތްއިރުގައި އަޅުގަޑުމެންނަށް ތަރައްގީ ނުލިބި މިދަނީ ހަމަ ހަގީގަތުގައިވެސް އެކަށީގެންވާވަރަށް ސަރުކާރުތަކުން މަސައްކަތްކޮށްފައިނުވާތީކަމަށް ހުވަދު އަތޮޅަށް ނިސްބަތްވާ ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެވެ.
ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު މިހެން ވިދާޅުވީ ގދ. ތިނަދޫގައި އެންމެ ބޮޑެތި މަތިންދާބޯޓު ޖެއްސޭ ފެންވަރުގެ ބައިނަލްއަގުވާމީ އެއާޕޯޓެއް އަޅަން ތައިލެންޑް ކުންފުންޏަކާ ހަވާލުކޮށް، އެއްބަސްވުމުގައި ސޮއިކުރެއްވުމަށްފަހު ދެއްކެވި ވާހަކަފުޅުގައެވެ.
ރޭ ތިނަދޫގައި ބޭއްވުނު މިރަސްމިއްޔާތުގައި ވާހަކަފުޅު ދައްކަވަމުން ވަޒީރު މުއްޠަލިބު ވިދާޅުވީ ސޮއިކުރެވުނު އެއްބަސްވުމުގެ ދަށުން ތިނަދޫއަށް އަދި މުޅި ގދ.އަތޮޅަށް މިއިން ދުވަހަކު ނާންނަވަރުގެ ބޮޑުތަރައްޤީއަކާއި ކުރިއެރުމެއް ލިބިގެންދާނެ ކަމަށެވެ.
އެގޮތުން ޔޮޓް މެރީނާއެއް ޤާއިމު ކުރެވި ، ސީޕްލޭން ހަބެއް ހެދި، ފްލައިންގ ސްކޫލަކާއި، ކާގޯ ބްލިންގއަކާއި، ޑީކޮމްޕްރެޝަން ޗެމްބާއެއްވެސް ގާއިމް ކުރެވިގެންދާނެކަމަށް މުއްޠަލިބް ވިދާޅުވިއެވެ.
ހުވަދު އަތޮޅުގެ ރަށްޔިތެއްގެ ހައިސިއްޔަތުން ގދ . ގެ ރަށްޔިތެއްގެ ހައިސިއްޔަތުން މިއަދަކީ ވަރަށް ޚާއްސަ އުފަލެއް ލިބިގެންދާ ދުވަހެއް
މުއްޠަލިބް ވިދާޅުވިއެވެ.
މިބައްދަލުވުމުގައި އިތުރަށް ވާހަކަފުޅު ދައްކަވަމުން ވަޒީރު މުއްޠަލިބު ވިދާޅުވީ މި ސޮއިކުރެވުނު އެއްބަސްވުމުގެ ދަށުން ކުރެވިގެންދާ ހުރިހާ މަސައްކަތަކީވެސް ދައުލަތުގެ ބަޖެޓުން ހަރަދުކުރުމެއް ނެތި ހަމައެކަނި މަސައްކަތްކުރިއަށް ގެންދާފަރާތުން ހުރިހާ ހަރަދެއްކުރާގޮތަށް ކުރިއަށް ގެންދެވޭ ބިޔަ ބޮޑު ޕްރޮޖެކްޓެއް ކަމަށެވެ.
މިޕްރޮޖެކްޓާ އެއްކޮށް މިއަތޮޅަށް ވަރަށްގިނަ އެނދުތަކެއް އެބައާދޭ ، ރިސޯޓްތަކެއް އެބައާދޭ ، މިކޮންޓެކްޓާ އެކަނިވެސް 12 ރިސޯޓެއް ތަރައްގީކުރުމަށް ހުށަހަޅާފައިވޭ. އެއީ 2400 އަށްވުރެގިނަ އެނދު ، އެހެންކަމުން މިއީ މިހާތަނަށް ހުވަދުއަތޮޅަށް ލިބިގެންދާ ތަރައްގީގެ އެންމެބޮޑު މަޝްރޫއު ، މިއާއެއްކޮށް ހުވަދު އަތޮޅު ބަދަލުކޮށްލާނެ، އަދި ހުވަދުއަތޮޅަކީ ދިވެހިރާއްޖޭގައި ވަކިން ހިގާ ޓޫރިޒަމްއޮތް ސަރަހައްދަކަށް ވެގެންދާނެ ،
މުއްޠަލިބް ވިދާޅުވިއެވެ.
އެއާޕޯޓު މަޝްރޫއުއާއި އެކު ތިނަދޫ އާއި ހުވަދު އަތޮޅުގައި ތަރައްޤީކުރެވިގެންދާނެ ބައެއް އިތުރު ހިދުމަތްތައް
- ލަގްޒަރީ ޔޮޓް މެރީނާ އަދި ފެރީ ޓާމިނަލް ހަބް
- ސިއްހީ ކުއްލި ހާލަތްތަކަށް އެއާ އެމްބިއުލާންސްގެ ހިދުމަތް
- އެންމެ ޒަމާނީ ވަސީލަތްތަކާއި އެކު އިމަޖެންސީ ރެސްޕޮންސް އަދި ސޭފްޓީ ސްޓޭޝަން
- ޑިއުޓީ ފްރީ ބޫޓިކްސް
- 12 ރިސޯޓު ( 4 ތަރި އާއި 7 ތަރި ރިސޯޓްތަކެއް )
- ޑައިވަރުންނާއި ދިވެހި މަސްވެރިންނަށް ޑިކޮމްޕްރެޝަން އިމަޖެންސީ ޔުނިޓް
ތިނަދޫގައި އިންޓަނޭޝަނަލް އެއާޕޯޓެއް ތަރައްގީކުރެއްވުމަކީ ރައީސް މުއިއްޒުގެ ރިޔާސީ ވައުދުފުޅެކެވެ. އެ މަނިކުފާނު ވަނީ އެ މަސައްކަތް ވީހާވެސް އަވަހަށް ފަށްޓަވައިދެއްވާނެ ކަމަށް ރިޔާސީ އިންތިހާބުގެ ކެމްޕޭނަށް ތިނަދޫއަށް ކުރެއްވި ދަތުރުފުޅުގެ ތެރެއިން ވިދާޅުވެފައެވެ.
ތިރީގައި އެވަނީ ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެބައެއް ކުރެހުންތައް
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
ތިނަދޫގައި ތަރައްގީކުރާ ބައިނަލްއަގުވާމީ އެއަރޕޯޓްގެ ކުރެހުމެއް ( ފޮޓޯ: ޕެންޕެސިފިކް ލިމިޓެޑްގެ ވީޑިއޯ ޕްރެސެންޓޭޝަނުން )
advertisement