ހުޅުމީދުއަށް މިހާރު ކުރަމުންދާ ވިއްސާރާގައި ބޯކޮށް ވާރޭ ވެހި އެކި ހިސާބުތަކުގައި ފެންބޮޑުވެ ހިނގާބިގާވެ އުޅުމަށް ދަތިވެއްޖެވެ.
ފެންބޮޑުވުމާއި ގުޅިގެން މިއަދު މީދޫ ކައުންސިލާއި ހުޅުދޫ ކައުންސިލް އަދި މަގުހެދުމުގެ މަސައްކަތް ކުރަމުންދާ އެފްކޮންއާއި ގުޅިގެން ފެން ބޮޑުވެފައިވާ ސަރަހައްދުތަކުގައި ޕަންޕު ބަހައްޓައި،ފެން ހިންދުމުގެ މަސައްކަތާއި ކޯރުކޮނެ މޫދަށް ފެން ބޭރުކުރުމުގެ މަސައްކަތް ދަނީ ކުރެވެމުންނެވެ.
މިފަހަރު މޫސޫން ގޯސްވެ ވާރޭ ވެހި ފެންބޮޑުވެފައިވަނީ މަގުތައް ރަނގަޅު ފެންވަރަކަށް ހެދުމަށްޓަކައި މަސައްކަތް ކުރަމުން އަންނަނިކޮށެވެ.
އެހެންކަމުން މަގުމަތީގައި ހެދިފައިވާ ކާނުތަކުގެ މަތިންވެސް ވަނީ ފެންބޮޑުވެފައެވެ. ކާނުތަކުގެ މަތިން ފެންބޮޑުވެފައިވާތީ މަގުމަތި ބޭނުންކުރައްވާއިރު ހުރިހާފަރާތްތަކުންވެސް އެކަމަށް ސަމާލުވުމަށް މީދޫ ކައުންސިލުން ވަނީ އިއުތިމާސްކުރައްވާފައެވެ.
މޫސުމާއި ބެހޭ ގައުމީ އިދާރާއިންވަނީ ކުރިއަށް 3 ދުވަހުވެސް މޫސުން ގޯސްވެ ބޯކޮށް ވާރޭ ވެހޭނެކަމަށް ލަފާކޮށްފައެވެ.