ހުޅުމީދޫ ކުނިކޮށީގައިހުރި ކުނިތައް ނައްތާލުމަށް އަލިފާން ޖެހުމުގެ ސަބަބުން ރަށުތެރެއަށް ދުމުގެ އަސަރުކޮށް ބޮޑެތި އުނދަގޫތަކާ ދަނީ ކުރިމަތިވަމުންނެވެ.
މިދުވަސްވަރީ އިރުމަތީފަރާތުން ބާރަށް ވައިޖެހުމުންދާ ދުވަސް ވަރެއްކަމާއެކު ދުންތައް ރަށުގެ ތެރެއަށް ފެތުރި މުޅި ރަށުތެރެ “ދަރު ބަނދިގެ” އަކަށް ވަނީ ވެފައެވެ. އެހެންކަމުން ގިނަބަޔަކަށް އުނދަގޫތަކާވަނީ ކުރިމަތިވެ އެވެ.
ކުނިކޮށިން އަރަމުންދާ ދުން މީދޫގެ ބޮޑު ސަރަހައްދަކަށް ފެތުރި ފައިވާއިރު ރަށުގެ އެންމެ އިރުދެކުނު ކޮޅުގައި ހުންނަ މިކުނިކޮށިން އަރަމުންދާ ބޯދުމުގެ ސަބަބުން ސިއްހީ ބޮޑު ނުރައްކަލެއް ދިމާވުމަކީ އެކަށީގެންވާކަމެކެވެ.
އެހެންކަމުން މިކަމަށްއަވަސް ހައްލެ ބޭނުންވެފައިވާއިރު ރައްޔިތުންގެ ޝަކުވާއާއި ކަންބޮޑުވުންތައް ދަނީ ފާޅުކުރަމުންނެވެ.
ހުޅުމީދޫ ކުނިކޮށި ބަލަހައްޓަމުން އަންނަނީ ވެމްކޯ އިން އެވެ.
ކޮމެންޓްސް (0)