ހިންދޫ ދީން ފެތުރުމަށް ރާއްޖޭގައި ކުލާސްތަކެއް ނަގަން އުޅުނު މީހާ ޑީޕޯޓްކޮށްލައިފި އެވެ
މާލޭގެ ހޮޓަލެއްގައި “ސްޕިރިޗުއަލް ހީލާ”އެއްގެ ނަމުގައި ދީނީ އެއްބައިވަންތަކަން ހިމާޔަތް ކުރުމުގެ ގާނޫނާ ހިލާފް އަމަލުތަކެއް ހިންގަން އިޝްތިހާރު ކުރާ ކަމުގެ މައުލޫމާތު ލިބިގެން އެ މައްސަލަ ފުލުހަށް ހުށަހެޅީ އިސްލާމިކް މިނިސްޓްރީންނެވެ.
މި މައްސަލަ ފުލުހަށް ހުށަހެޅުމާއެކު ފުލުހުން ވަނީ އެމީހާ ފުލުހުންގެ ބެލުމުގެ ދަށަށް ގެންގޮސް މައްސަލަ ބެލުމަށް ފަހު އެމީހާ އިމިގްރޭޝަން އާ ހަވާލުކޮށްފައެވެ.
މި މައްސަލާގައި ޑީޕޯޓްކޮށްލާފައިވަނީ، އިންޑިއާ އަށް ނިސްބަތްވާ ޑރ. ގަނޭޝް ޑޫބޭ ކިޔާ މީހެކެވެ. އޭނަ ރާއްޖޭގައި ހިންދޫ ދީން ފަތުރަން އެކަމުގައި ބައިވެރިވާން ސޯޝަލް މީޑިއާގައި އިޝްތިހާރު ވެސް ކޮށްފައިވެ އެވެ.
މައުލޫމާތު ލިބިފައިވާ ގޮތުގައި އެމީހާ ރާއްޖެއިން ޑީޕޯޓުކޮށްލީ ދެން ރާއްޖެ ނާދެވޭ ގޮތަށެވެ.