މިހާރު މީދޫގައި ހިގަމުންދާ ސައުތު ބްލޫޒް އަންހެން ވޮލީބޯޅަ މުބާރާތުގެ ފައިނަލުގެ ސީދާ ޖާގަ ފުވައްމުލަށް ސިޓީ ޕޮލިސް ހޯދިއިރު، ތިން ވަނަ ސެމީ ފައިނަލުގައި މިރޭ އައްޑޫސިޓީ ޕޮލިސްޓީމާ ގއ. ޕޮލިސް ޓީމު ވާދަކުރަން ޖެހިއްޖެ އެވެ.
އިއްޔެ ހަވީރު ކުޅުނު ސެމީ ފައިނަލުގެ ފުރަތަމަ މެޗްގައި އައްޑޫސިޓީ ޕޮލިސްގެ މައްޗަށް 3 ސެޓުނ 0 ސެޓުން ކުރިހޯދައި، ފުވައްމުލަށްސިޓީ ޕޮލިސްވަނީ ފައިނަލަށް ދަތުރުކޮށްފަ އެވެ. މިމެޗުން ބަލިވި އައްޑޫ ޕޮލިސްޓީމު ވަނީ 3 ވަނަ ސެމީފައިނަލަށް ހޮވިފައެވެ.
މިމެޗްގައި ފުވައްމުލަށްސިޓީގެ ކެޕްޓަން، މަރީގެ ފުރިހަމަ ސެޓިން އާއިއެކީ އެޓީމުގެ ރީޝާ އަދި މަރަދުފޭދޫ ހައްވަގެ ރަގަޅު އެޓޭކްތަކާއެކު މުޅިމެޗްގެ ކޮންޓްރޯލް ނަގައިގެން ކުޅެފައިވަނީ ފުވައްމުލަށްސިޓީ ޕޮލިސްޓީމެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ފުވައްމުލަށްސިޓީ ޓީމްގެ މަރީއެވެ.
ފުވައްމުލަކު ސިޓީ ޕޮލިސްއާއި އައްޑޫސިޓީ ޕޮލިސް ބައްދަލުކުރިމެޗްގެ މޮޅު ކުޅުންތެރިޔކަށް ހޮވުނު ފުވައްމުލަށް ސިޓީ ޕޮލިސްޓީމުގެ މަރީއާއި އިނާމް ހަވާލްކޮށްދެއްވީ މަރަދޫފޭދޫ ކައުންސިލަރު
ރޭ ކުޅެވުނު މިމުބާރާތުގެ ދެވަނަ ސެމީފައިނަލްގައި ބައްދަލުކުރީ ގއ. ޕޮލިސްޓީމާ ގދ. ޕޮލިސްޓީމެވެ. ލީގުބުރުގައި ދެސެޓް އެއްސެޓުން ގދ. އަތުން ބަލިވެފައިވާ ގއ . ޕޮލިސްވަނީ އެބަލިވުމުގެ ބަދަލުހިފައި 3 ސެޓް 1 ސެޓުން ގދ. ޕޮލިސް ބަލިކޮށް 3 ވަނަ ސެމީން ޖާގަ ހޯދާފައެވެ.
މިމެޗް 3 ސެޓް 1 ސެޓެން ގއ. ޕޮލިސްޓީމު ކާމިޔާބުކުރިނަމަވެސް ގދ. ޕޮލިސްޓީމުގެ ކުޅުންތެރީންގެ ފަރާތުން ހިތްވަރުގަދަ ވާދަވެރި ކުޅުމެއް ފެނިގެންގޮސްފައިވެއެވެ. މިމުބާރާތުގެ ތިން ވަނަ ސެމީގައި މިރޭ އައްޑޫ ޕޮލިސްއާއި ގދ . ބައްދަލުކުރާއިރު މިދެޓީމް ލީގު ބުރުގައި ބައްދަލުކުރިމެޗް ވާދަވެރި ކުޅުމަކަށްފަހު 2 ސެޓް 1 ސެޓުން ކާމިޔާބުކޮށްފައިވަނީ އައްޑޫޕޮލިސްޓީމެވެ.
4-7-2023- މީދޫ އިޖްތިމާއީމަރުކަޒު- ފުވައްމުލަށް ސިޓީ ޕޮލިސްއާއި އައްޑޫސިޓީ ޕޮލިސް ބައްދަލުކުރިމެޗްގެ ތެރެއިން