ހުޅުދޫ ސްޓްރީޓް ސޮކަރ ޗެލެންޖް ފުޓްބޯޅަ މުބާރާތުގެ ފައިނަލް މެޗު މިރޭ ކުޅުމަށް ހަމަޖެހިފައިވާއިރު، ފައިނަލުގައި ވާދަކުރާ ހިތަދޫ މައިލޯސިޓީއާއި ހިތަދޫ އެސްކޭޕީ ޔުނައިޓެޑް މި މެޗަށް ފުރިހަމައަށް ތައްޔާރުވެ ހުޅުދުއަށް ވަނީ އައިސްފައެވެ.
މިރޭގެ ފައިނަލް މެޗް ކުޅުމަށް ހަމަޖެހިފައިވަނީ ހުޅުދޫ ފުޓްސަލަ ދަނޑުގައި މިރޭ 9 ޖަހާއިރުއެވެ.
މިމުބާރާތުގެ ފައިނަލަށް މައިލޯސިޓީ ހޮވިފައިވަނީ އެޓީމް ހިމެނުނު ގްރޫޕް އޭގައި ކުޅުނު މެޗަކުން 10 ޕޮއިންޓް ހޯދައިގެން އެގްރޫޕްގެ އެއްވަނަ ޓީމްގެ ގޮތުގައި ސެމީފައިނަލަށް ހޮވި ސެމީފައިނަލްގައި ހިތަދޫ ޒެފިޔާ ޕެނަލްޓީ ޖަހައިގެން 2 ލަނޑު 1 ލަނޑުން ބަލިކުރުމަށްފަހުއެވެ.
އެސްކޭޕީ ޔުނައިޓެޑް
މިމުބާރާތުގެ ފައިނަލަށް އެސްކޭޕީ ޔުނައިޓެޑް ހޮވިފައިވަނީ އެޓީމް ހިމެނޭ ގްރޫޕް ބީގައި ކުޅުނު މެޗަކުން 5 ޕޮއިންޓް ހޯދައިގެން އެގްރޫޕްގެ 3 ވަނަ ޓީމްގެ ގޮތުގައި ކްއާޓާފައިނަލަށް ހޮވި ކްއާޓާފައިނަލުގައި މީދޫ ކްލަބް ލޮތާރި 1 ލަނޑު 0 ލަނޑުން ބަލިކޮށް ސެމީފައިނަލަށް ދަތުރުކޮށް ސެމީފައިނަލްގައި ހުޅުދޫ އެފްސީ ޕެނަލްޓީ ޖަހައިގެން 1 ލަނޑު 0 ލަނޑުން ބަލިކުރުމަށްފަހުގައެވެ.
މިމުބާރާތަކީ ހުޅުދޫ ޒުވާނުންނާއި ހުވަގު ޖަމްއިއްޔާ ގުޅިގެން ކުރިއަށް ގެންދާ މުބާރާތެކެވެ.
މިމުބާރާތުގެ ޗެމްޕިއަންޓީމަކަށް ތިރީސްހާސްރުފިޔާ ދިނުމަށް ހަމަޖެހިފައިވާއިރު ދެވަނަ ޓީމަކަށް ދިނުމަށް ހަމަޖެހިފައިވަނީ ފަނަރަހާސްރުފިޔާއެވެ.