ހުވަގު ޖަމްއިއްޔާއިން އިންތިޒާމްކޮށްގެން ކުރިއަށްގެންދާ ހުޅުދޫ ސްޓްރީޓް ސޮކަރ ޗެލެންޖް ފުޓްބޯޅަ މުބާރާތުގައި ހުޅުދޫ ދެކުނު އެފްސީ ބަލިކޮށް މުބާރާތުގެ ފުރަތަމަ މޮޅު ވައިކިންގު ހޯދައިފިއެވެ.
ރޭ ހުޅުދޫ ފުޓްސަލް ދަނޑުގައި ކުޅެވުނު މިމެޗުން ވައިކިންގު މޮޅުވެފައިވަނީ 1 ލަނޑު 0 ލަނޑުންނެވެ. ދެކުނު އެފްސީ އަތުން ވައިކިންގު ރޭ މޮޅުވިކަމުގައި ވިޔަސް މުބާރާތުގައި އެޓީމް މީގެ ކުރީން ކުޅުނު ދެމެޗުންވެސް ވަނި ބަލިވެފަ އެވެ.
ތަޖުރިބާކާރު ކުޅުންތެރީން ހިމެނޭ ވައިކިންގު އަތޮޅުން 1 ލަނޑު 0 ލަނޑުން ބަލިވިކަމުގައިވިޔަސް މިމެޗްގައި ހުޅުދޫ ދެކުނު އެފްސީގެ ޒުވާން ކުޅުންތެރީންގެ ފަރާތުންވެސް މޮޅު ކުޅުމެއް ފެނިގެންގޮސްފައިވެއެވެ.
ރޭގެ މިމެޗަށް ފަހު ގްރޫޕް ސްޓޭޖް ގައި ވައިކިންގު ކުޅުނު 3 މެޗުން އެޓީމަށް ލިބިފައިވަނީ 3 ޕޮއިންޓެވެ. ދެކުނު އެފްސީ ކުޅުނު ތިންމެޗުންވެސް ބަލިވެފައިވާތީ އެޓީމަށް އަދި ޕޮއިންޓެއް ލިބިފައިނުވެއެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ވައިކިންގުގެ އިބްރާހިމް ނަވާލުއެވެ.
ހުޅުދޫ ސްޓްރީޓް ސޮކަރ ޗެލެންޖް: ދެކުނު އެފްސީ އާއި ވައިކިންގު ބައްދަލުކުރިމެޗްގެ މޮޅުކުޅުންތެރިޔާ: އިބްރާހިމް ނަވާލު