ހުޅުދޫގައި ރޭފެށި ” ހުޅުދޫ ސްޓްރީޓް ސޮކަރ ޗެލެންޖް ” ފުޓްބޯޅަ މުބާރާތުގެ ފުރަތަމަ މެޗް މީދޫ ގައުމިއަންސް ކާމިޔާބުކޮށްފިއެވެ.
ގައުމިއަންސް މިމެޗް ކާމިޔާބުކޮށްފައިވަނީ ކެނެރީފާއި ބައްދަލުކޮށް 2 ލަނޑު 0 ލަނޑުންނެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ގައުމިއަންސް ގެ އައްޒާމް މުހައްމަދެވެ.
ހުޅުދޫ ސްޓްރީޓް ސޮކަރ ޗެލެންޖް – ގައުމިއަންސް އާއި ކެނެރީފް ބައްދަލުކުރި މެޗްގެ މޮޅު ކުޅުންތެރިޔާ – އައްޒާމް
ރޭ ކުޅެވުނު މިމުބާރާތުގެ ދެވަނަ މެޗްގައި ބައްދަލުކުރީ ހުޅުދުއަށް ނިސްބަތްވާ ދެކުނު އެފްސީއާއި ހުޅުދޫ އެފްސީއެވެ.
މިމެޗް ހުޅުދޫ އެފްސީ ކާމިޔާބުކޮށްފައިވަނީ 2 ލަނޑު 0 ލަނޑުންނެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ހުޅުދޫ އެފްސީގެ އަލީ ހުސެންއެވެ.
ހުޅުދޫ ސްޓްރީޓް ސޮކަރ ޗެލެންޖް – ހުޅުދޫ އެފްސީއާއި ދެކުނު އެފްސީ ބައްދަލުކުރި މެޗްގެ މޮޅު ކުޅުންތެރިޔާ – އަލީ ހުސެން
މައުލޫމާތު ލިބިފައިވާގޮތުގައި މިމުބާރާތަކީ ހުޅުދޫ ޒުވާނުން އިންތިޒާމްކޮށް ހުވަގު ޖަމްއިއްޔާ މެދުވެރިކޮށް ބާއްވަމުންދާ މުބާރާތެކެވެ.
ޚަބަރާއި ގުޅޭ ފޮޓޯ: ފޭސްބުކްގެ ” ހުޅުދޫ ސްޓްރީޓް ސޮކަރ ޗެލެންޖް ” ޕޭޖުން އިން ނަގާފައި