ފުވައްމުލަކު ސިޓީގައި އިއްޔެ ފެން ޖަހަމުން ދިޔަ ބައެއްގެ ކިބައިން ސަލާމަތްވާން އުޅެނިކޮށް ސައިކަލުން ވެއްޓި އަނިޔާވި ޒުވާން އަންހެން މީހާ އިތުރު ފަރުވާއަށް މާލެ ގެންގޮސްފިއެވެ.
އިއްޔެ ހަވީރު ހިނގި މި ހާދިސާގައި އަނިޔާވީ 20 އަހަރުގެ އަންހެނަކަށެވެ.
މި ހާދިސާ ހިނގާފައިވަނީ އެ މީހާ ސައިކަލްގައި ދުއްވާފައި ދަނިކޮށް އެ ވަގުތު މަގުމަތީގައި ފެން ޖަހަމުންދިޔަ ބަޔަކު ސައިކަލް ކުރިމައްޗަށް އަރައި ފެން ޖަހަން އުޅުމުން އެކަމުން ރެކެން އުޅުމުގެތެރޭގައި ސައިކަލް ކޮންޓްރޯލް ނުވެގެން ވެއްޓިގެންނެވެ.
އެ މީހާ ފުވައްމުލަކު ހޮސްޕިޓަލަށް ގެންދިއަ އިރުވެސް ކަންފަތާއި، ނޭފަތުން ލޭ އަންނަމުންދިއަ ކަމަށް މަޢުލޫމާތު ލިބެއެވެ.