ތިލަދުންމަތީ އުތުރުބުރީ އިހަވަންދޫ ކައުންސިލުން އެ ރަށުގައި އައުޓްޑޯ ޖިމެއް ތަރައްޤީކުރަން ނިންމައި އެތަނަށް ބޭނުންވާ އިކްއިޕްމެންޓް ސަޕްލައިކުރުމަށް ބަޔަކާއި ހަވާލުކޮށްފިއެވެ.
އައުޓްޑޯ ޖިމަށް ބޭނުންވާ އިކްއިޕްމެންޓް ސަޕްލައިކުރުމުގެ އެއްބަސްވުމުގައި އިއްޔެ އެ ކައުންސިލުން ވަނީ ބްރިލިއަންޓް ކޮންޕެނީ ޕްރައިވެޓް ލިމިޓެޑާއިއެކު ސޮއި ކޮށްފައެވެ.
މި އައުޓްޑޯ ޖިމަށް ބޭނުންވާ އިކްއިޕްމެންޓް ގަތުމަށް އިހަވަންދޫ ކައުންސިލުގެ ބަޖެޓުން 199800.00 (އެއްލައްކަ ނުވަދިހަ ނުވަހާސް އައްސަތޭކަ) ރުފިޔާ ހަރަދުކުރާނެއެވެ. އިކްއިޕްމެންޓް ސަޕަލައި ކުރުމަށް ދީފައިވާ މުއްދަތަކީ 60 ދުވަހެވެ.