ރައީސް އިބްރާހިމް މުޙައްމަދު ޞާލިޙަށް އެމްޑީޕީގެ ރިޔާސީ ޓިކެޓް އެރުވުމަށް މިރޭ ބާއްވާ ޖަލްސާ ވެގެންދާނީ އިދިކޮޅު ފަރާތްތައް ސިއްސައިގެންދާފަދަ ފިސާރި ބޮޑު ޖަލްސާއަކަށް ކަމަށް އައްޑޫ މަރަދޫ ދާއިރާގެ މެންބަރު އިބްރާހިމް ޝަރީފު ވިދާޅުވެއްޖެއެވެ.
ޝަރީފް ވިދާޅުވީ މިރޭގެ ޖަލްސާގައި 10,000 މީހުން ބައިވެރިވާނެ ކަމަށް އަންދާޒާ ކުރެވޭ ކަމަށެވެ.
އަދި ޕްރައިމަރީން ނާކާމިޔާބުވެވަޑައިގަތުމުން ރައީސް މުޙައްމަދު ނަޝީދު ވަކި ފެކްޝަނަކަށް މަސައްކަތް ކުރެއްވި ނަމަވެސް އެމްޑީޕީ އޮންނާނީ ގަދަކޮށް ކަމަށްވެސް ޝަރީފް ވިދާޅުވިއެވެ.
ރައީސް ޞާލިޙާ ވާދަކުރައްވައި ޕްރައިމަރީން ނާކާމިޔާބުވެވަޑައިގަތުމުން ނަޝީދު ގެންދަވަނީ ”ފިކުރެއްގެ ދިރުން“ ގެ ނަމުގައި ގޮފި ހެއްދެވުމުގެ މަސައްކަތް ކުރައްވަމުންނެވެ.