ދެކުނު ކޮރެއާއިން ޕޯޗުގަލް ބަލިކުރުމުން އުރުގުއޭ ކަޓައިފި، ކޮރެއާއާއި ޕޯޗުގަލް އަނެއް ބުރަށް

ފީފާ ވޯލްޑް ކަޕުގައި ރޭ ޕޯޗްގަލްއާއި ދެކުނު ކޮރެއާއި ބައްދަލުކުރި މެޗްގައި ދެކުނު ކޮރެއާއިން ފަހުވަގުތު ޖެހި ލަނޑުން ޕޯޗުގަލް ބަލިކޮށް ދެކުނު ކޮރެއާއިން މުބާރާތުގެ ދެވަނަ ބުރުން ޖާގައެއް ހޯދައިފި އެވެ.

ރޭ ޕޯޗުގަލްއާއި ދެކުނު ކޮރެއާ ބައްދަލުކުރި މެޗު 2 – 1 ން ކޮރެއާއިން ކާމިޔާބުކުރިއިރު ގްރޫޕުގެ އަނެއް މެޗުގައި ގާނާއާއި އުރުގުއޭ ބައްދަލުކުރި މެޗު ނިމުނީ 2 – 0 ން އުރުގުއޭ މޮޅުވެގެންނެވެ.

ޕޯޗުގަލް ދެވަނަ ބުރަށް ދަތުރުކުރީ ގްރޫޕްގެ އެއްވަނަ ޓީމުގެ ގޮތުގައި ޖުމްލަ 6 ޕޮއިންޓާއެކު އެވެ. އަދި ދެކުނު ކޮރެއާ ދެވަނަ ބުރަށް ދަތުރުކުރީ 4 ޕޮއިންޓާއެކު ދެވަނަ ޓީމުގެ ގޮތުގައި އެވެ. އުރުގުއޭއަށް ވެސް 4 ޕޮއިންޓް ލިބިފައިވާއިރު ފައިދާ ގޯލުން ބަލާއިރު ވެސް ދެޓީމު އެއްވަރެވެ. އެހެންކަމުން ކޮރެއާއަށް ކުރި ލިބެނީ ޖެހި ގޯލުގެ އަދަދަށް ބަލައިގެންނެވެ.

ގްރޫޕުގެ ފުލުގައި އޮތް ގާނާއަށް ލިބިފައިވަނީ 3 ޕޮއިންޓެވެ. ރޭ ޕޯޗްގަލްއާއި ދެކުނު ކޮރެއާ ބައްދަލުކުރި މެޗުގެ ވަރަށް ކުރީކޮޅު ޕޯޗުގަލުން ލީޑު ނެގި އެވެ. ރިކާޑޯ ހޯޓާގެ ލަނޑުން 5 ވަނަ މިނެޓުގައި ޕޯޗުގަލުން ލީޑު ނެގި އެވެ. ނަމަވެސް މެޗުގެ ފުރަތަމަ ހާފު ނިމުމުގެ ކުރިން ކޮރެެއާގެ ކިމް ޔަންގް ގްވޮން ވަނީ ކޮރެއާއަށް ލަނޑެއް ކާމިޔާބުކޮށްދީ ނަތީޖާ ހަމަހަމަކޮށްދީފަ އެވެ.

ރޭގެ މިގްރޫޕްގައި ކުޅެވުނު އަނެއް މެޗުގައި އުރުގުއޭއިން ގާނާގެ މައްޗަށް ކުރިހޯދީ 2 – 0 ންނެވެ. މިމެޗުގައި ވާދަވެރި ކުޅުމެއް ދެޓީމުގެ ފަރާތުން ވެސް ފެނިގެންދިޔައިރު އުރުގުއޭއިން ވަނީ ފުރަތަމަ ހާފުގައި ދެލަނޑު ޖަހާ ފަ އެވެ.

މެޗް ނިމުމުން އުރުގުއޭގެ ކުޅުންތެރީން ރެފްރީއާއިދިމާކުރުމަށް މަސައްކަތްކުރި

އުރުގުއޭގެ ދެލަނޑު ވެސް ޖަހައިދިނީ ޖިއޮޖިއާން ޑި އަރަސްކައޭޓާ އެވެ. އެލަނޑުތައް ޖެހުމުގެ ކުރިން އަދި ފަހުން ވެސް ގާނާއަށް ލަނޑު ޖަހާނެ ރަނގަޅު ފުރުސަތުތައް ލިބުނު ނަމަވެސް ކާމިޔާބުވާ ގޮތެއް ނުވި އެވެ.

ސުއަރޭޒް: މުބާރާތުން ކެޓުމުން އެކަމާ ވަރަށް ބޮޑަށް ދެރަވެ ރޮވިފައި

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޕެނަލްޓީ ޖަހައިގެން ސްޕެއިން ބަލިކޮށް މޮރޮކޯ ކުއާޓާ ފައިނަލަށް

ފީފާ ވޯލްޑް ކަޕް ފުޓްބޯޅަ މުބާރާތުގެ ދެވަނަ ބުރުގައި ސްޕޭނާއި މޮރޮކޯ ބައްދަލުކުރި މެޗު ކާމިޔާބުކޮށް މުބާރާތުގެ ކުއާޓާ ...

ސައުތު ބްލޫޒް ވުމަންސް ވޮލީބޯލް ޓޫނަމެންޓް- 5 ވަނަމެޗްވެސް އައްޑޫސިޓީ ޕޮލިސް ކާމިޔާބުކޮށްފި

ސައުތު ބްލޫޒް ވުމަންސް ވޮލީބޯލް ޓޫނަމެންޓްގެ 5 ވަނަ މެޗްވެސް އައްޑޫސިޓީ ޕޮލިސްޓީމު ކާމިޔާބުކޮށްފިއެވެ. އިއްޔެ ހަވީރު މީދޫ ...

ޔޫތުޗެލެންޖެ 2020- ގުސީއާއި ރައްޔުގެ ހެޓްރިކާއެކު ބޮޑު ތަފާތަކުން އެފްސީ އަމީގޯ މޮޅުވެއްޖެ

ގުސީއާއި ރައްޔުގެ ހެޓްރިކާއެކު މީދޫ ޔޫތު ޗެލެންޖް 2020 ފުޓްބޯޅަ މުބާރާތުގައި ހޮނިހިރު ދުވަހު ކުޅެވުނު މެޗްގައި ވަރުގަދަ ...