ހުޅުދޫ ހެލްޕިންގ ސޯޝަލް ކެއާ އިން އިންތިޒާމުކޮށްގެން ހުޅުދޫގައި މިހާރު ކުރިއަށް ދާ ނެޓްބޯޅަ މުބާރާތުގައި ޓީމް ފެނަކަ ކުޅުނު ފުރަތަމަމެޗް ގައި އެޓީމްގެ ސަވާ ކާމިޔާބުކޮށްދިން ގިނަ ޕޮޓުތަކުން އެޓީމް ކުޅުނު ފުރަތަމަމެޗް ކާމިޔާބުކޮށްފިއެވެ.
މީދޫ ވެރިއަސް އާއި ބައްދަލުކޮށް އިއްޔެ ހަވީރު ޓީމް ފެނަކަ ކުޅުނު މިމެޗް އެޓީމް ކާމިޔާބުކޮށްފައިވަނީ 29 ޕޮޓް 12 ޕޮޓުންނެވެ.
މިމެޗްގެ ފުރަތަމަ ކުއާޓާ ނިމުނުއިރު 8 ޕޮޓް 2 ޕޮޓުން ޓީމް ފެނަކަ ކުރި ހޯދާފައިވާ އިރު ދެވަނަ ކުއާޓާ ނިމުނުއިރު ފެނަކަ ވަނީ 19 ޕޮޓް ކާމިޔާބުކޮށްފައެވެ. ދެވަނަ ކުއާޓާ ނިމުނުއިރު މީދޫ ވެރިއަސް ޓީމަށް ކާމިޔާބުކުރެވުނީ 5 ޕޮޓެވެ.
3 ވަނަ ކުއާޓާ ނިމުނުއިރުވެސް 25 ޕޮޓު 9 ޕޮޓުން ލީޑު ކުރަމުން ދިޔައީ ފެނަކަ ޓީމެވެ. 4 ވަނަ ކުއާޓާ ނިމުނުއިރު 29 ޕޮޓު 12 ޕޮޓުން ކުރިހޯދައިގެން މިމެޗް ކާމިޔާބުކުރީ ޓީމް ފެނަކައެވެ.
މިމެޗްގައި ފެނަކަޓީމަށް އެންމެ ގިނަ ޕޮޓް ސަވާ ކާމިޔާބުކޮށް ދީފައިވާއިރު މިމެޗްގެ ކްއިން އޮފްދަމެޗަކަށް ހޮވިފައިވަނީ އެޓީމްގެ ހައްވާ ނިޝާއެވެ.
ކޮމެންޓްސް (0)