ރާއްޖޭގެ ދަރަނި ނުދެއްކިދާނެ ކަމުގެ ބިރުވެރި ހާލަތެއް މިހާރަކު ނެތްކަމަށް ފިނޭންސް މިނިސްޓަރު އިބްރާހީމް އަމީރު ވިދާޅުވެއްޖެއެވެ.
ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި އަމީރު ވިދާޅުވީ ކޮވިޑަށް ފަހުގައި ރާއްޖޭގެ އިގުތިސާދު ރަނގަޅުވެ, ދައުލަތަށް ލިބޭ އާމްދަނީ އިތުރުވަމުން އަންނަ ކަމަށެވެ.
އެ ގޮތުން ރާއްޖޭގެ ޖީޑީޕީގެ ނިސްބަތުން ދަރަނި ދަށްކުރުމަށް ކަނޑައަޅާފައިވާ ޕްލޭންތަކާއި އެއްގޮތަށް ނަތީޖާ ހާސިލް ކުރެވެމުންދާ ކަމަށާއި, 2023 ވަނަ އަހަރު ނިޔަލަށް ހިލޭ އެހީއާއި ނުލައި ދައުލަތަށް ލިބޭ އާމްދަނީން ދައުލަތުގެ ޚަރަދުތައް ހަމަޖެއްސުން ހިމެނޭ ކަމަށް އަމީރު ވިދާޅުވިއެވެ.
އަމީރު ވިދާޅުވީ އަންދާޒާކުރެވުނު ވަރަށް ވުރެ ވެސް އިގުތިސާދީ ހާލަތު ރަނގަޅުވަމުން އަންނައިރު, ދަރަނި ނުދެއްކިދާނެކަމުގެ ބިރުވެރި ހާލަތެއް ނެތް ކަމަށެވެ.
ކޮމެންޓްސް (0)