އައްޑޫ އީދު ފެސްޓިވަލް 2022 ގައި ހިމެނިގެން މީދޫގައި ބޭއްވުމަށް ހަމަޖެއްސި ހަވާ އެރުވުމުގެ ކުޅިވަރު މިރޭ 8:45 ގައި ބާއްވައިފިއެވެ.
މީދޫ އަވަށު އޮފީހުން މައުލޫމާތު ދެއްވިގޮތުގައި އައްޑޫ އީދު ފެސްޓިވަލް 2022 ގައި ހިމެނިގެން މީދޫގައި މިރޭ ކުރިއަށް ގެންދެވުނު ހަވާއެރުވުމުގެ ކުޅިވަރަކީ އައްޑޫސިޓީ ކައުންސިލާއި މީދޫ އަވަށު އޮފީސް އަދި އެމްއެންޑީއެފް ގުޅިގެން ކުރިއަށް ގެންދެވުނު އިވެންޓެކެވެ.
އައްޑޫ އީދު ފެސްޓިވަލް 2022 ގެ އިންތިޒާމް ކޮމިޓީއާއި މީދޫ އަވަށު އޮފީސް އަދި ޖަމްއިއްޔާތަކާއި އެހެނިހެން ހެޔޮއެދޭ ފަރާތްތައް ގުޅިގެން މި އަހަރުގެ އަޟްހާއީދު ކުލަގަދަ ގޮތެއްގައި މީދޫގައި ފާހަގަ ކުރުމުންދާއިރު އީދު ފެސްޓިވަލްގައި ހިމެނޭ އެންމެ މުހިއްމު އެއް އިވެންޓްކަމުގައިވާ މިއުޒިކް ޝޯވ މިހާރު ވަނީ ފެށިފައެވެ.
ކޮމެންޓްސް (0)