އުރީދޫ މޯލްޑިވްސް އިން ސްނެޕްޗެޓާ ގުޅިގެން ދިވެހިވަންތަކަން ދައްކުވައިދޭ ލެންސަކާއި ފިލްޓާއެއް ތައާރަފުކޮށްފިއެވެ.
ފިލްޓަ އާއި ލެންސް ތައާރަފުކޮށްފައިވަނީ އުރީދޫގެ މައި އޮފީހުގައި ބޭއްވި ހަފުލާއެއްގައެވެ. އެ ހަފުލާގައި ސައިންސް އެންޑް ޓެކްނޮލޮޖީ މިނިސްޓަރު އައިމިނަތު ޝައުނާ އާއި އުރީދޫގެ މެނޭޖިން ޑިރެކްޓަރު އަދި ސީއީއޯ ޚާލިދު އަލް ހަމާދީ އާއި ސްނެޕްޗެޓްގެ ޕާޓްނާޝިޕްސް މެނޭޖަރު ބާޗިރު ބޫމެދައިން ބައިވެރިވެވަޑައިގެންނެވިއެވެ.
އަލަށް ތައާރަފު ކުރި ފިލްޓާ އާއި ލެންސަކީ ރާއްޖޭގެ ސަގާފަތާއި ގުދުރަތީ ރީތިކަމާ ގުޅުވައިގެން ތައާރަފު ކުރި ތަކެއްޗެވެ. އެގޮތުން، ފިލްޓާ ގައި މޫދާއި ރުއް ފަދަ ރާއްޖޭގެ ރީތިކަން ދައްކުވައިދޭ މަންޒަރުތައް ފެންނައިރު އާ ލެންސުގައި ސަގާފީ ހެދުންތައް ފެންނާނެއެވެ.
އާ ފިލްޓާގައި ރާއްޖޭގެ ފަތުރުވެރިކަމުގެ ސްލޯގަން ”ސަނީ ސައިޑް އޮފް ލައިފް” ފެންނާނެއެވެ.
އުރީދޫ އިން އެ ފިލްޓާ އާއި ލެންސް ތައާރަފު ކޮށްފައިވަނީ ރާއްޖޭގެ ފަތުރުވެރިކަމުގެ ރަން ޔޫބީލާ ގުޅުވައިގެންނެވެ.
ކޮމެންޓްސް (0)