ޔޫތު މިނިސްޓްރީގެ ސްޓޭޓް މިނިސްޓަރު އަސްހަދު އަލީ 15 ދުވަހަށް ޖަލަށް ލުމަށް ކްރިމިނަލް ކޯޓުން މިއަދު ހުކުމް ކޮށްފިއެވެ.
އަޑުބަރޭ 15 ދުވަހަށް ޖަލަށް ލުމަށް ހުކުމް ކޮށްފައިވަނީ، އަލީ ވަހީދު ރާއްޖެއިން ބޭރަށް ބޭސްފަރުވާއަށް ދިއުމަށް ދިއުމުގައި ޖާމިނުވި އެއްބަސް ވުމާއި ހިލާފު ވުމުންނެވެ.
މިކަމާއި ގުޅިގެން މިއަދު ކުރިއަށް ދިޔަ ޝަރީއަތުގައި މައްސަލަ ބައްލަވާ ފަނޑިޔާރު ވިދާޅުވީ، އަލީ ވަހީދު ރާއްޖެއިން ބޭރަށް ފުރުމުގެ ހުއްދަ ދިނީ އަސްހަދު އެކަމުގައި ޖާމިނުވުމުން ކަމަށާއި، އެހެން ނަމަވެސް ޖާމިނުވެފައިވާ އެއްބަސް ވުމާއި އެއްގޮތަށް އަލީ ވަހީދު ކޯޓަށް ހާޒިރު ކުރެވިފައި ނުވާ ކަމަށެވެ.
އެހެން ކަމުން މިއީ ކޯޓުގެ ހުރުމަތް ކެނޑުން ކަމަށާއި، އެހެން ކަމުން ކޯޓުގެ ހުރުމަށް ކެނޑި މައްސަލައިގައި އަސްހަދު 15 ދުވަހަށް ޖަލަށް ލުމަށް ހުކުމް ކުރާ ކަމަށެވެ.
މިނިސްޓަރު ކަމުގައި ހުންނަވައިގެން މިނިސްޓްރީގެ މުވައްޒަފުން ތަކަކަށް ޖިންސީ ގޯނާ ކުރިކަމުގެ ދައުވާ އުފުލައިފައިވާ އަލީ ވަހީދުގެ މައްސަލަ ކްރިމިނަލް ކޯޓުގައި ކުރިއަށްދަނިކޮށް ބޭސްފަރުވާއަށްކަމަށް ބުނެ ރާއްޖެއިން ބޭރަށް ދިޔަގޮތަށް އަލީ ވަހީދު ރާއްޖެ އައިސްފައެއް ނުވެއެވެ.
ކޮމެންޓްސް (0)