ރައީސް އިބްރާހީމް މުހައްމަދު ސޯލިހު ކޯވިޑް-19އަށް ޕޮޒިޓިވް ވެއްޖެއެވެ.
އެމަނިކުފާނު މިއަދު ކުރެއްވި ޓްވީޓެއްގައި ވިދާޅުވީ ބައްޔަށް ޕޮޒިޓިވް ވިކަން އެނގިވަޑައިގެންނެވީ އަތޮޅުތެރެއަށް ދަތުރު ކުރެއްވުމަށް، ރޭ ޕީސީއާރް ޓެސްޓް ހެއްދެވުމުން ކަމަށެވެ.
ރައީސް ސޯލިހު ވިދާޅުވީ އެމަނިކުފާނުގެ ހާލުކޮޅު ރަނގަޅު ކަމަށާއި، މިހާރު ހުންނެވީ ގޭގައި އެކަހެރިވެވަޑައިގެން ކަމަށެވެ.
ރައީސް ސޯލިހު ކޯވިޑަށް ޕޮޒިޓިވް ވިއިރު، އެމަނިކުފާނު މިއަދު ށ.ފޯކައިދޫއަށް ވަޑައިގަންނަވާ ގޮތަށް އޮތީ ހަމަޖެހިފައެވެ.
އެމަނިކުފާނު އެރަށަށް ވަޑައިގަންނަވަނީ އަންނަ މަހުގެ ފަސް ވަނަ ދުވަހު ބާއްވާ ރައްޔިތުންގެ މަޖިލީހުގެ ށ.ކޮަމަންޑޫ ދާއިރާގެ ބައި-އިލެކްޝަންގައި އެމްޑީޕީގެ ފަރާތުން ވާދަކުރައްވާ މުހައްމަދު ރާޝިދުގެ ކެމްޕެއިނަށެވެ.
ކޮމެންޓްސް (0)