ރާއްޖޭގެ ކުރީގެ ރައީސް، ރައީސް ޔާމީން އިސްވެ ހުންނަވާ ކުރިއަށް ގެންދަވާ ކެމްޕެއިން ”އިންޑިޔާ އައުޓް“ ކެމްޕެއިން އަކީ ޖަރީމާއެއް ކަމަށް އެމްއެންޕީގެ ރައީސް މުހައްމަދު ނާޒިމް ވިދާޅުވެއްޖެއެވެ.
އެމްއެންޕީ އިން ކުރިއަށް ގެންދިޔަ ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން ނާޒިމް ވަނީ އިދިކޮޅު ޕީޕީއެމް އިން ކުރިއަށް ގެންދާ ކެމްޕެއިން އަށް ވަރަށް ބޮޑަށް ފާޑު ވިދާޅުވެފައެވެ.
އެގޮތުން ނާޒިމް ވިދާޅުވީ، ”އިންޑިޔާ އައުޓް“ ކެމްޕެއިން އަކީ ރައީސް ޔާމީން ކުރިއަށް ގެންދަވާ ބޮޑު ޖަރީމާއެއް ކަމަށާއި، އެ ކެމްޕެއިންގައި އެއްވެސް ރައްޔިތަކު ބައިވެރި ނުވުމަށް އެދޭ ކަމަށެވެ. އަދި އެ ޕާޓީން ވެސް އެ ކެމްޕެއިން އަށް ތާއީދު ނުކުރާ ކަމަށްވެސް ނާޒިމް ވިދާޅުވި އެވެ.
މީގެ އިތުރުން ނާޒިމް ވިދާޅުވީ، ކެމްޕެއިންގެ ސަބަބުން ރާއްޖެއަށް އިގްތިސާދީ ގޮތުން ވެސް ގެއްލުން ލިބުމުގެ ފުރުސަތު އޮތް ކަމަށާއި، މިކަމުގެ ސަބަބުން އެކުވެރި ގައުމުތަކުގެ ތެރޭގައި ގުޅުން ހީނަރު ވެގެން ހިނގައި ދާނެ ކަމަށެވެ . އަދި މިކަން ހުއްޓާލުމަށް ވެސް އެމަނިކުފާނު ވަނީ ގޮވާލާފައެވެ.
އިދިކޮޅު ފަރާތްތަކުން ކުރިއަށް ގެންދާ މި ކެމްޕޭން އިތުރަށް ފުޅާކުރުމަށް އެ ކޯލިޝަންގެ ފަރާތުން އަންނަނީ ރާއްޖޭގެ އެކި ހިސާބުތަކަށް ދަތުރު ތައް ކުރުމަށް ތައްޔާރު ވަމުންނެވެ.
ކޮމެންޓްސް (0)